كانت اللحظات حلم.. وكنتي اجمل حلم فيها
وانتهى الحلم وعرفتك.. وآآه يا مقسى الحقيقه
تذكـرين..!!
تذكـرين ايام راحت او نسـيت
.............................يوم كنت اجلس على الشاطي معاك
وقتها يومك تبسّمـت وحكـيت
.............................وقلتي بهمسه ( انا روحي فداك ) !
كنت اسمعّك القصايد.. بيت بيت
.............................واحتري ينطق بكل الشوق فاك!
كنت احلم لو يلم الشمل بيت
.............................بعدما قلبـي رمى الدنيا وجـاك
كنت لامن جيت بالطاري انتخيت
............................. جيت البّي ... يالبى قلبن طراك!
كنت ادمح زلّتك لامن خطيت
.............................واختلق لك عـذر.. وتزيد بخطاك
كنت اعطي بشوق ماعمري خذيت
.............................وانتي تجــازين هالحب بجفـــاك
إيه انا الي كل ما خفتك مشيت
.............................في دروبك رغم خطوات الهلاك!
كنت اصدّق كل حكيك وانعميت
............................. لين صرتي بخافقي اطهر ملاك
انهـدم يا بـنت كل الي بنيــت
.............................والسبــايب هالغرور الي عمـاك!
ليه تسقيني شقاك ومارتويت
.............................و ليه ترمي حبي الصادق وراك!
من شقى حظي تصبّرت ورضيت
.............................يوم اذوق المر وتواري حلاك!
ياما لجلك باصعب اوقاتي رجيت
.............................سِعد منهو تحتوينه واحتواك !
ليتني عاندت احساسي وليت
............................. اكتشـفتك قبل مايكـبر غــلاك..!
الهوى بلـوه وانا فيك ابتلـيت
............................. والظنون اعمت عيونك وش بلاك!
يعني ذنبي اني فـ حبك وفيت
............................. يووه لو ادري عرفت اكسب رضاك!
اعتبرني كنت نــايم ثم صـحيت
.............................وجيتك اسبق خطوتي واطلب لقاك
كلمة(ن) غصّة بحلقي لو دريت
.............................جيت ابنثرها نجوم(ن) في مسااك
مستحيل انسى غرامك ماحييت
.............................ومستحيل أذل نفســي في هواك !!
دامني بشموخ وبعزه ربيت
............................. ماتنــزّل هامتـي غيمة سمـــاك.!
ان تركتي هالغرور بعيد..جيت
.............................وان عزمتي ترحلين..( الله معاك )!
ان رحلتي صدقيــني ماشكـيت
............................. وان بقيتي غايتــي اصلاً بقـاك
اوعدك ماعاد اصدّق كل صيت
............................. بعدما خالط قراح الحــب مااك !
لحظة الفرقا طوتني وانطويت
............................. وشاب قلبــي من ثريّاك وثـراك
انتهيت وكنت احسب اني ابتديت
.............................يوم كنت اجلس على الشااطي معـاك!!
مدري باقي تذكرين..!!
كان حلم.. وصدق بعض احلامنا / اوهامنا
افضل كثير من الحقيقه
واسمعي كانك نويتي ترحلين
القصايد والحروف الي بخطي.. لك ولجلك
في
ح ر ي ق ه..!!!
نقدكم أولاً
وتشجيعكم ثانياً
اتشرف بهم بكل تأكيد
