[نواف الشمري]

ياجماعه بالنسبه لي مايهمني لاعبين المنتخب هلاليين ولا نصراويين ولا اهلاويين
المهم ان المنتخب يكون بمستوى يؤهله لكاس العالم .. منتخب قوي وبس ..


ابو رياض ..
لاتقهرني بكلام الجرايد الفاضي .. لاتتأثر بكلام الصحفيين وانا اخوك
محمد نور افضل لاعب وسط في المملكه شاء من شاء وابى من ابى
.. بغض النظر عن البطاقات .. يااخي مارادونا وهو مارادونا ياما انطرد
وياما اخذ بطاقات وياما تنرفز .. بعدين حسين عبدالغني ترى لعب للمنتخب
اكثر من خمس سنوات وهو اكثر اللاعبين نرفزه ومشاكل .. ماكان احد يعترض
ليش ؟ لأنه لاعب مؤثر ..

عطني لاعب مؤثر زي محمد نور ولاتطالبه بالتحكم باعصابه
هذي مهمة الجهاز الاداري والاشرافي على المنتخب اللي يمثله
فهد المصيبيح هو اللي مفروض يوعي اللاعبين قبل كل مباراه

بعدين ترى مهو عذر مقنع تبعد لاعب مؤثر لمجرد انه مايتحكم باعصابه ..
طيب انت عارف انه لاعب مؤثر .. مسألة الاعصاب هذي تحكمها ظروف المباراه نفسها
ومو كل مباراه يفقد اعصابه ..


ثانيا .. انت تبي تروح لكاس العالم يااخي ..
ومحمد نور ورقه رابحه لأي مدرب بالعالم ..

اوكي اذا ماتبي تلعبه قول ماني ملعبه ..

بس لاتجيني لاصكوك المانيا ثمانيه وتقول من المسؤول عن ابعاد نور عن المنتخب ..

زي سالفة عبدالله الشيحان باليابان .. بالضبط ..




انا متفائل ان شاالله بعودة نور للمنتخب
لأنه بصراحه مكانه شاغر شاغر شاغر .. ولايملاه غيره ابدا في هالتصفيات


اما مباراة الكويت
اتمنى يلعب الدوخي لانه لاعب هجومي ونحتاجه
حنا رايحين نفوز على الكويت مانبي ظهير دفاعي .. نبي ظهير يهاجم ويدافع
ولياقته عاليه زي الدوخي ..

اخر شي احب اقوله هالمنتخب هذا غير ومستواه غير ..
من زماااان .. من ايام كاس العالم ماشفت منتخبنا كذا ..
من زمااان ماتحمست للاخضر زي كذا ..

الله يكون معاهم اقسم بالله رفعوا معنوياتنا بجد
ويستاهلون يتعنالهم الواحد للكويت