[نواف الشمري]

.. مقدمه ..

ليت لي بالحب قدره واستطاعه
......................... واترك القلب المعنّى يستريح

بين هم .. وبين هجران وقطاعه
........................... وين ماحطيت رجليني أطيح

لاتطيّب خاطر التايه .. وراعه
........................... خل دربه بين طعناتك فسيح

ايه .. نفس الجرح .. والفرق اتساعه
...................... وانت عندك قلب .. لكنك شحيح !


.
.
.
.



ياحسافه ..
ياحسافه ..
ياحسافه ..

آآآآه .. ياكبر الحسافه ..!
كل شي ٍ كان بيدي ..
ضاع .. في هفوة مسافه !

.
.

ياحبيبي يابعد كل الحبايب ..
لأ .. قصدي .. ياللي كنت اغلى الحبايب ..
لاتحط عينك بعيني ..
روح .. روح .. رووووووح روح هناك وابعد ..
مالي بقربك شفاقه ..
المهم تكون أبعد ..!
روح ..
روح ..

روح جعل الله يبيحك ..
باترك اوراقي تصيحك ..!
وارمي آهاتي وراي ..
ماابيها تحتمي بالشوق .. وتسامح غلاي ..

.
.


ياثقل بعض الهموم ..
لاارتكت بين المحاني ..
تفرد ايدينه على كل المعاني ..
ماتقوم ..!!

وانت !
ماانت في خلك رحوم ..
يوم قدم لك حياته ..
وين كنت ؟!


.
.


كان عايش فيك كله ..
كان ذايب فيك كله ..
كان حافظ لك مكان ..
في خفوقه ..!

من زماااااااااان ..
ماحد ٍ قبلك ولابعدك وصل له ..!

وكان ..!
لايبس بالشوق ريقه ..
يذكر انك في مواعيدك .. تبله ..

ويشعر بنفس الأمان !!

.
.


شفت عاد شلون كانت ذكرياتك ؟!
كانت احلى شي فيك ..
كانت انغام وأغاني ..
كانت امال وأماني ..
كان كل احساس فيها ..
ممتلي باحساس ثاني ..

بس مات ..!

شفت عاد شلون كانت ذكرياتك ؟
كنت انا مالي حياتك ..
ذكرياااات ..!


وين راحت
انتهت .. والحين صارت مالها قدر ٍ وقيمه ..
يوم صاحت ..




روح جعل الله يبيحك ..
ضيع وسط الدرب وامشه ..
مالك الا واحد ٍ يبقى جريحك ..
لو يذيب الدمع رمشه ..
لو تلحف بالظما وابطى جفافه ..!
لو يقول الفين مره ياحسافه ياحسافه ياحسافه .......!


لاتصدق ..



نواف الشمري


.