[مرزوق بن فيحان]

اخوي عبدالله
كتبت لرمز للوفاء اخونا ( الضغط العالي ) وهو رجل شهد له الجميع بالوفاء والشهامة
ادامك الله يا مشرفنا الراقي ولأنه عند حسن الظن جادت قريحته فــــــــــ كتب :\
/
\
/
\
/
\
/
\

كيف اوصف شعورٍ تصطفق بالضمير
.....................مايطاوع لسانـي نطـق توصيفهـا

يشهد الله ربـي السميـع البصيـر
.....................كلمتك سعد منهـو نـال تشريفهـا

اول الوقت راسي ياجبل والاخيـر
.....................ماتهـزك ريـاحٍ زاد تسويفهـا

نسل حمر النواظر لابتك من مطير
.....................لابتن ماحدٍ يقوى علـى سيفهـا

الشعر مايفرق في كبيـر وصغيـر
.....................والقصايد تصّنف حسـب توليفهـا

وانت عمرك صغيرٍ بس شعرك كبير
.....................تنتقي كلمتـك وتصـون توظيفهـا

افرشت لك بيوت الشعر فرشٍ حرير
.....................والقوافي معزّب في طلـب ضيفهـا

النهايه تفاعل معك جمـعٍ غفيـر
.....................وارسمت فرحتك مرسوم تعريفها

احد منهم يصفق واحد يصفر صفير
.....................ولا انا غترتـي باليـد تحذيفهـا


صح لسانك يا شاعرنا القدير الضغط العالي
وادامك الله رمز ٍ للشهامة والنقاء
تحياتي / مرزوق ..