[الوتين]

السفاره السعوديه في السعوديه!!!!!




بقولكم شي صار لبنت من بنات العائله .. ودايم يصير لها مثل ذا الاشياء بس هالمره غيييررررررررر بالمره غيييييييييييييييييييييييييييييييييييييييييييييير

ومسكوها عليها الكل البعيد قبل القريب وكل اللي تعرفهم واللي ماتعرفهم بعد.. >>>> حتى انا

مدري وش اللي صاير لها ذيك الايام صايره مفهيه بقوووه يعني بهرجنا دلخه مررره + بقوووووووووووووه ...>>>>> مهوب منها من كثر الدراسه والمذاكره يعني 12 سنه دراسه+3سنين ونص دراسة تربيه خاصه اكيد بتصير مفهيه ومتنحه ويمكن ملحوسه يعني24 على 24 ساعه يوميا مذاكره وحاطه وجهها بذاالكتب <<< طلعت اذاعة ام بي سي مهيب بنيه المهم مالكم بالطويله

باقي لها ترم بالجامعه يا ترجع لحالتها الطبيعيه او تزداد حالتها سوءا وانا اتوقع الاخيره



المهم اقولكم السالفه:

[B]الموقع :[/B] عاصمة المملكه العربيه السعوديه واحتياطا للي مايعرفها يمكن بعد يطلع لنا احد مايعرفها وهي اللي خذها بدر بن عبدالمحسن بيدها ومشى... الرياض >>> ياحبني لها لاني اذا رحت اصير اصغر البنات فيها :confused:

[B]الساعه[/B] : ماني فاكره بس كان فيه شويت ظلام مدري مطفين الاناره اوانه ليل واحد منهم

[B]المتواجدين وبالترتيب حسب الجلوس الكنبي << الكنبه[/B]

1- اخت الدافوره >>> صديقتي

2- وتين وهي متنقبه ومهيب عارفه تدهر مثلهم بالفصفص<<<< حضرتنا انا ....انا مهوب انت انا وتين

3- اخت الدافوره الكبيره

4- الدافوره شخصيا

5- اخو الدافوره ومورط الوتين بالنقاب والعبايه وهي مسويه انه عادي

6- ام الدافوره

[B]ادوات تسلية الجلسه[/B] : شاهي وفصفص <<< حب لغير الناطقين بلهجتنا
مدهرين بقوه ماتسمعون الا التقشيم صايرين موسيقين على غفله وعلى فكره الفصفص طلبيه من الاحساء :D

[B]الحــــــــــــــــــــــدث[/B]

كنا جالسين نناظر برنامج في امان الله لالنا ولا علينا (( واحد سعودي في لبنان يسأل لبناني وين السفاره السعوديه هنا؟؟!!

قاله اللبناني: ولو انت سعودي مابتعرف السفاره السعوديه وين ؟؟!!
قال السعودي: ايه والله مااعرفها اول مره اجي للبنان وتوني واصلن امس وماقد شفتها))....

[B] ماوعينا الا [/B]













الدافوره وقفت ونقزت وحطت يدها على خصرها ومالت شوي ونطقت باعلى حسها وبكل ثقه خابطه ملامحها وقالت:












(( طيب هذا انا من زمان عايشه هنا ولاا اعرف وين السفاره السعوديه بالسعوديه ولاقد شفتها tsh8 :eek: :eek: :eek: tsh7 tsh7 )) >>>>>> ياشين الغباء الناطق

ومعاد تسمعون الا اصوت الضحك واصله لسما وهي علامات الدهشه مرسومه على وجهها وتسال ليه تضحكون هو انا قلت شي غلط طيب انا اتوقع انها يافي الرياض او جده مااعتقد انها بتبعد عن كذا وزاد الضحك لين دمعت عيوننا وصار عندنا تمدد في عظلات البطن والآآآآآآآلم شديده مصاحبه له وكلما ناظرنا بعض او ناظرناها ردينا وضحكنا

تخيلووووا عمركم شفتوا سفاره سعوديه في السعوديه !!!!!!

لا وزياده على كذا تقول من زمان عايشه هنا >>>>>> على بالها كانت عايشه ومترعرعه في ايطاليا مثلا ؟؟!!

طبعا كل العائله درت بالفضيحه واصحاب العائله وكل الجامعه وكل الناس درت وكل ماشفناها رمينا كلمه عليها هذا غير المسجات اللي نرسلها لها و تجيها

[B]مثل:[/B]


[color=#FF0000]خبر عاجل :مقتل السفير السعودي بالرياض متاثر بجراحه اثر تفجير السفاره السعوديه بالمملكه العربيه السعوديه[/color]



[color=#0099FF]السعوديه تسحب رعاياها بعد التهديدات الاخيره بتفجيرها [/color]



[color=#FF6600]مطلوب مترجمه وسكرتيره للعمل في السفاره السعوديه بالرياض[/color]




[color=#0000CC]شارك واربح المليون ريال من هو السفير السعودي بالمملكه العربيه السعوديه[/color]



وغيرهم كثير ..

وصارت تقول : الواحد مايتكلم اصرف له.. ولاقبل مااقول شي احد يعطيني كف عشان اعرف احتسي زين..

والى يومكم هذا وهي ممسوكه عليها
صرت احس اذا جت بتتكلم تقول الجمله 6000000 مره عشان ماتغلط مثل هالغلطه الفادحه



لو سمحتوا لحد يضحك علىالدافوره تراها الحين تطبق يعني بكره خبله يؤؤؤؤؤؤؤ اقصد ابله <<< مدري من المسكين البنات اللي تدرسهم ولا هي


[color=#FF00CC]سؤال اسدحوه للي تشوفونه[/color]
اين تقع السفاره السعوديه في السعوديه ؟؟؟!!!!!!!!!!!!!

يمكن يطلع لنا دافوره ثانيه .......






[color=#33CC00]ملاحظه خارج الموضوع [/color]
[color=#660000]ياليت ابو نوت ولا المراقب الجديد يشفون لنا صرفه بابتسامات الفقر ذي .... شعبيات بطولها وعرضها وعندها ذا القحط المزمن
على قولة عبدالرحمن بن مساعد
جميل هذا الوقت محبط
:o :mad: :( tsh6
[/color]



قريبت الدافوره اختكم بعد
الوتين



.