يا نجم يا ساري علـى مسـراي تكفـى لا تبـان
.................................................. قّـل للظـلام يلبّـس الدنيـا عـبـاة ٍ ضافـيـه
مليت أشوفك ممتلي بالنـور و تضـيء المكـان
..........................................و نجوم صدري داخل أضلاعي حزينـه .. طافيـه
يا أبن الحلال.. أرجوك طف النور في دربي عشان
.............................................ما عاد أميـز فالوجيـه .. الخاينـه و الوافيـه
ليه أخسر اللي طاح من عيني او أكسب لي رهان؟
................................................مـ ا عـاد تفـرق .. و النتايـج كلهـا متكافيـه
ما عاد أبي صدمات تحت اسم التجارب.. و أمتحان
..........................................واحـد كفيـل بتعريّـة كـل العلـوم الخافـيـه
الجرح واحد لو يجي .. من يد فلان او يـد فـلان
.............................................يتشاب ه الهافيـن .. فـي فعـل الأمـور الهافيـه
نفس الوجع/نفس الضما/نفس الخطا/نفس الجبـان
............................................نفس السؤال .. و نفس اجابات الشهـود النافيـه
يا غاليه .. رغم الوجع رغم التعب رغم الزمـان
..........................................جيتك و قلبـي ينتظـر فرصـة حنـان موافيـه
حطيني بصدرك واذا قال الزمـان: أظهـر و بـان
.........................................خليني ابقى داخل ضلوعـك .. بخيـر و عافيـه
انتي عطيني من غلاك.. أحساس وشويّـة حنـان
............................................وأعطيـ ك قلبـي.. والقلـوب أطباعهـا متنافيـه
تدرين لو كان الدفا دولـه و فيهـا .. برلمـان!
...........................................صرت الزعيم .. و قائد أحزاب القلـوب الدافيـه!
لا زلت عادي.. رغم كـل البهرجـه و الهيلمـان
.............................................صافي نوايا.. فـي زمـن مالـه نوايـا صافيـه
ما هو خطا لو نفترق .. و يذوب شمع و شمعدان
..............................................بس الخطا لـو نجتمـع .. و قلوبنـا متجافيـه!!
ابو فلاح
إسمح لي أن أعبر بإسمي ونيابة عن كل من يمتلك ذائقه
بالشكر والأمتنان لغيمتك اللتي أحيت الممحل !
لقد أعدت عجلة المشاعر للدوران !
حبي لقلبك يابوفلاح
