[حسن آل مسفر]

الله يذكرك بالخير ياغرور

وين ايامك الحين ؟؟

الله يرجعك سالمه وغانمه

ابسدح لكم موقفي وانحاش

الموقف صار لي زمااااااااااااااااان ايام المتوسط كنت مفررررررررك من المدرسة ومن زود الغبى رايح لحراج بن قاسم (( الحين الواحد يفرررررررك يروح مقهى يروووووح ملاهي يروووووووووح اي مكان بس حراج بن قاسم ماله سنع صرااااحه ))

المهم اني رحت لحراج بن قاسم وانواع الفرفره وشوي الا انا اشوف هاك الوجه اللي اعرفه زين تدرون من هو ؟؟؟

تصدقون اني شفت ابوي

وانا من الروعه جتني ام الركب وماعاد عرفت وين ارووووووووح له وانا انخش ورا هاك العجوز اللي تبيع ببسي وحلاو واناظر فيه من بعيد لبعيد وهو كل شوي يقرب من بسطة العجوز وانا اترقب الموقف عن كثب شوي الا وابوي يقول

ابوي : وش اخبارك ياحسن ؟؟

انا : فاقن خشتي وانواع الابتسامات وقلت : بخير ابشرك يايبه ..

ابوي: حسن ؟؟؟؟؟؟؟؟؟؟ وش جابك فيذا يامال الصفاق

انا : لا ولا شئ ابد سلامتك

ابوي : اجل منحاش وانا احسبك في المدرسة طييييييييب حسابك عندي ان شاء الله ..

اثاريه ماكان يدري عني وحسن اللي كان يناديه رفيقن له وشافه في الحراج ...

المهم اني اكلت طق الين امنت هاك اليوم صار ابوي يطق وصديقه اللي اسمه حسن يطق والعجوز اللي انخشيت وراها تطق ومفتش البلديه يطق ........

هذا موقفي وسلامتكم