[محمد العجمي]

السلام عليكم ورحمة الله وبركاته

يسعدني ان اضع بين يدكم هذه القصيده

راجيااا ان تحوز على رضاكم

يعتريني صمت عود الخيزرانه بليل هادي=لا حكيتي في هدوء الغافيه احلى حكايه
تشرحينه شوق جابك يا مرادي لا ارداي=من نهاية هالبدايه لا بداية هالنهايه
والظروف وكيف حالت بيننا بد العبادي=والعيون وكيف تنثر حزنها عند المرايه
والورود وكيف تذبل من ضما وسهيل بادي=والرياح وكيف تجذب واحد ماله درايه
والليالي كيف تدفق سمها ويطيح غادي=ويتعلم منها اللي ما عرف كيف القرايه
والرضيع وليه يصبر في حباله والمهادي=والكبير وليه يشكي حر بيدينه ورايه
كل هذا في هدوئي يا هنا شربي وزادي=مرحبا بك في هدوئك من هدوئي يا غلايه
الوجوه أتغيب ترجع عندنا ايزي وعادي=وانتي مثلك في غيابه برد وحضوره دفايه
لا ذكرتك فاح ريح المسك في مجري فؤادي=وان نسيتك قام يذرف ورد حبك في حشايه
حب خلق الله بوادي وانتي الحالك بوادي=في صميم حط دونك ألف بواب وحمايه
عاشقك من قول قوه لين ثورات الزنادي=شي ما هو في يدينك لا ولا هو في يدايه
في طريقك ما تحمل واحدٍ يا قف قصادي=عارف ان الموت واحد والخطر عشق وهوايه
واحدٍ لي راس ينضخ بالجساره والعنادي=لو يشق الوقت صدري شق ما رخصته صبايه
البكا ما هو عندي عند حسان وفادي=ولا انا شامخ وربي طاعته درب وغايه
مرحبا يا سلوتي يا مبعده عني سهادي=لا تعانق مع منامي وانبسط اكبر عدايه
خافقي ما غير دله وانتي بنه والقنادي=ينتشي مع ريح هيلك لين يكتب لي شفايه
والجنوبي ما يلام وقالها علم وكادي=الخطا قدام تمشي والنوايا من ورايه
لعنبو من هاب لوه جمعكم مثل الجرادي=يالقلوب السود يالله يا قليلين الربايه
كم تعذب من جهدكم محكم العقل الريادي=ياما فرقتوا قلوبٍ صدقت ذيك الوشايه
يالله انك لا تروي عبدك الصادق نكادي=يومك انت اللي مشيناا طاعته بأمره ورايه

وسلامتكم،،



محمدالعجمي