صدفه غريبه خير من ألف ميعاد
........................لو أتمناها كذا ماحْصلـَـتْلي
جيت المكان اللي إجي فيه معتاد
...............قصدي أقابل صاحبي وصْدفـَـتـْلي
يا حلو الصدفة يا سعود ,,,
لها إلْتفتت وشفت ثم صدّت لْغاد
..............وصديت عنها وقبل إصدْ إنـْدهـَتـْلي
غاد ,, ان من خاب ظني فأنت شمالي يا سعود.
يعني من أولها كذا صارت عْناد!
..................لاجيتها راحت ولارحـْت جَـتـْلي!
صح لسانك
أصبحت أراعيها وبعيوني سْهاد!
..................ماني مصدّق لين هي قَـربَتـْلي
هالادميه كانت وكنت انا مـْراد
.............وهي ..هي (ثمان سنين) راحت وفَـتـْلي
قالت تمنيتك لما صابٍني جْهاد
..............وشُف جابك الله!!؟وتمتمت ثم بكَـتـْـلي
حاولت أكفْْكف دمعها بس مافاد
....................لين ذْرفت عيني مثل ماذرفَـتْـلي
ثم رددتْ (مجنونه)!!براسي عْناد!
....................يآما طلبو يدّي ونا إمي دعـَتـْلي
عندي أمل إن مامعك راح ينْعاد
....................وعلى العهد بقيت لك وحْلفـَتـْلي
وراحت تقول أرجوك خلّك معي جاد
..............إن جيت لمي عشت!؟ وإن رحت قـَتْـْـلي
ماتدري.. إن من غيرها عندي أولاد!!
..................من اللي نْقلتْ حِمْـلي ولِخْطاي تَــتـْلي
يا صعب الموقف يا سعود السيف !!!!
وصبور ماتجزع وللأمر تِنْقاد
...............................ومعي بْخير وشَر..دايم صفَـتْْـلي
وشلون أجازيها بعد صبرها حْداد!؟؟
..........................بصدفه غريبه ..ويومها ماحْصلَـتْـْلي!!؟