تبت يد اللي ناوي طعنة الدار =امثور الفتنه وقادح زندها
من غرته نفسه على الخزي والعار =وراح يتلمس وجهته ماوجدها
ماشافها الا عند مفسد وغدار =اللي مثاوير الفتن تعتمدها
ابليس شجعها وامدها بالاشوار = وزيّن لها لقمة سعدها ابنكدها
من غير داعي قيّمة طبع الاحرار =وامست بجهل الدين تظلع بيدها
ويدها تشيل الرجس من فكر الاشرار=شين المذاهب حوّلوا في نصدها
وحنا على قمع الخطا دمنا حار=والزمره الشينه ننزح سعدها
مستبصرين العلم من شتى الاخبار=ونحلحل العقده ونربط عقدها
ورى الصباح ازنودنا تقبس النار =بارقابنا دايم وثيق عهدها
ذخر البلد جابر ولا فيه نحتار =وايماننا فالعهد راسي وتدها
يامن ويرقد والخطر عنه ايسار =دونه رجال ماضي له وعدها
وحنا على الخاين يجي الدم فوار= وقوم تحب الهون يكسر عمدها
ولابتركة الواجب يحل سوق الاعذار = ومن ذمته ماتت يعله بعدها
وان كان ما بانت لنا افعول واذكار =لا خير فينا عند منهو شهدها
ويهل الشرف شوفو غريبات الافكار = الفتنه ان ماتت تورث ولدها
سم الافاعي بين <<الاحداث>> مندار =تنسل من بين الرجال وبلدها
باسم الجهاد وسوق غاليت الاعمار =ساقت مطامعها وزادت جهدها
تبغى اغتيال الامن في كل الاقطار = داب تسحب للمشاكل وحدها
ماهي من الاسلام فكره ومنظار =الدين واهله ماتصدق سندها
فكرٍ مغربل بين مدخل ومظهار =مجحودتن وهي نزيلة مهدها
قصرٍ ضعيف الساس مخطور ينهار = وعد هماج الما من اللي وردها
ماوردها الا كل منبوذ هذار =احلوق بارقها يسابق رعدها
الوعي والفطنه ترد شر الاخطار =قصوا مساعيها وشوفوا مردها
واسواركم دون الغريبه والانظار =ومن شافله ثغره يعجل بسدها
واعيالكم وافكارهم ويش تختار =بينو لهم قيس الليال وعددها
لا تنخدع بفكار مخبث ونكار =واهل القلوب السود وتطيح بدها
الدين يوخذ من مواريث الابرار =اللي على السنه قوي جلدها
والعروه الوثقى من ايقصها جار = وخان اليمين اللي قديم عهدها
وحنا معى جابر على وين ماسار=.وياويل من هان الكويت وجحدها
هذي يمانينا معه سر واجهار =وبيديك ياجابر الى الخير قدها