[مصعب]

ليلي كسير وصبحي الا مكسّر
كنك قريتي بالبَخـَت لإنكساري
\
\
لا شفت وردك هبهب القلب وانسر
وادرك مدارك خارجٍ.ن.عن مداري
\
\
همّي بشوفك لا تدسّر.... تجسّر
( يبرى جبل شعبى وشعبى تباري )
\
\
وبيني.. وبين الهم عقدٍ.ن. موسّر
لأاصير قضبانه واحطه قطاري
\
\
مني انشطر حرفٍ كتبته مبسّر
وماهوب بالهيّن عليّ انشطاري
\
\
ماني البغاث اللي بشعره تنسّر
وما اتبع غضب ولا رفيقه امكاري
\
\
ربعي الجنايز جاهرة مابها سر...
تكفي ولاني مسرفٍ بـ افتخاري
\
\
وقفت عند اطلالها با اتحسر
والعنكبوت اطلالها ( عظيم ساري )
\
\
وعظمي الجَلـَدْ وامري من الله ميسّر
وما أغليت لي بايع ولا أرخصت شاري
\
\
يضطر من جته المسرات ينسر
وانا شقاي بكل فخر اضطراري...
\
\
عسى حقوق الشعر هي مااتخسّر
بزمعه عساه نهابةٍ.ن. للضواري
\
\
وعسى شآآبيبه تلوح وتعسّر
اما يراضي ذوق ذوقك ( عذاري )
\
\
إيعاز لعبي ياقلم ( عادةً.ن.. سر )
لعبة جيوش الحرف ماهي حواري
\
\
بلى.. كسير وصبحي الا مكسّر
كنك قريتي بالبَخـَت لإنكساري







0
0
0
0
0
نديم الفرقدين