لانك يا بحر دايم تسمـى ملتقـى العشـاق
..........................نصيتك يا بحر كودك تفرج عنـي الضيقـه
نسيمك فيه معنى للحنان يداعـب المشتـاق
........................وتكسر موجك الهادي يجـدد فيـه تشويقـه
رميت هموم قلبي في ثنايا موجك الرقـراق
.........................عسى هم جمعته تسعف امواجـك بتفريقـه
تحملت الهموم اللي سبايبهـا ولـع وفـراق
.......................وهذي عادة الولهـان يشكـي قـل توفيقـه
اسافر مع هموم اليل وابعث خالص الاشواق
..........................الى خل تخيرته صدق لـي فـي مواثيقـه
تخيرته على غيره بحسن الوصف والاخلاق
..........................غلاه مداخل قلبـي وهـو سبـة تخافيقـه
لوأنه يابحر عندي تصير لهرجتي مصـداق
......................تشوق اللي يتيهن العذارى فـي طواريقـه
الشاعر / عبد الله السلوم رحمه الله