في دجى الليل الكئيب المشتحن .. بالهموم القابعه بصدرٍ نحيل
لحظةٍ فيها حزن فيها شجن .. بس ماهو من شجن ( عيني ياليل)
شي ثاني فيه زفرات الحزن .. تشبه لزفرات جمرات المليل
إن دعيت الدمع جاوبني لمن .. تسكب الدمع ومن هذا االقتيل
أهو من أحببته حتى سكن .. في ثنايا صدرك الغض الهزيل
ول يادمعي مابي منك إذن .. لا أنت مدخلني ولاني بالدخيل
يعني مايبكي سوى شخصٍ يئن .. تحت كيد مذبل الرمش الضليل ؟
يعني مايبكي وطن ؟
فيه نسرج للبقر
ونسرح المعزا بـ خيل
يعني ماتبكي الشوارع جيل ضايع؟
يعني مايبكي من الذله أصيل ؟
يعني ماتدري عن شعور المدامع
ذات ليل :
في انتهاك الصبح لأحلام المضاجع !
أم ترى لايبكي إلا من يئن .. تحت أقدام الهيام المستحيل
أنت ناتج جبري لهذا الزمن
ان ضحك تضحك لطافه
وان بكى تبكي جفافه !!؟
يعني لازم للزمن تدفع ثمن
وشيك ثاني لصالح أبطال السخافه
وثالث لجمعية إحياء العفن ؟
وشيك رابع
للصحافه
لأجل تتساوى الأصابع ..!
والخلافه عند أمثالك لمن .. يتشدق في روايات عطيل
ذاك منهو يهدي الماضي كفن .. ذاك منهو يزعجه صوت الصهيل
ان رجينا عز جاوبنا علن .. المعزه بس في حلو المقيل ..!
صح ياحلو المقيل
اركد أشوالك ياناصر
وين رايح
يعني شاعر
في زمن يثمل من أكواب النصايح
وأنت ثاير ..؟
اصلح النفس العصيه ما انت طاهر ..!
القضيه أصبحت تمثال يوم الكل سايح
وان تعاجزت المقيل
اذكر انك في زمن
فيه نسرج للبقر
ونسرح المعزا بـ خيل ....
ياااالله ياناصر
أبيات ونص يقلّب المواجع
تتركنا جروح تنزف معك
سلم فكرك وصح قلبك
تقبل أعجابي
خالص الود والأحترام