[خالد التميمي]

.



الأحبة..

معذرة على التأخير ..

هذي هي رائعة المتعب ..

تحياتي أولاً وآخراً ..

ياوسيع البال ضيّقت الصدور = رحت ماعلّمتنى وين أنت سارى
فى غيابك مال خلق الله حضور = وفى حضورك مالهم بالبال طارى
ليه ماتختال يابدر البدور = والقصايد لك وصيفات وجوارى
لك بنات الفكر ربات الخدور = يكشفنّ لثامهن والجرح عارى
جعل قلبٍ ماملاه الصدق نور = عند وجه الريح مايلقى مزارى
التغاضى عجز لاطال القصور = ليه أدارى وأنت بالموضوع دارى
الزمان قصير والدنيا تدور = كل يوم يضيق فى عينى مدارى
صاحبى محتاج لك شعر وشعور = وإحتياجى شى ماكان إختيارى
من متى والغصن يختار الطيور = من متى والبال يختار الطوارى
لاتسمّى صمتى البارح غرور = انكسارى خلف هالصّمت متوارى
فى غياب الشمس وش ذنب الزهور = والمطر لاشح وش ذنب الصحارى
اللقا لحظات والغيبه شهور = تقصر الخطوات ويطول إنتظارى
لو قريت المنكتب وسط السطور = ماكتبت لغلطة العمر إعتذارى
صمت هالمينا مثل صمت القبور = مارسى مركب ولا لاحت صوارى