[ثامر الشعيفان]

لا تطاقوا بعد قدامي .. لالا عادي يالله أشوف ... تطاقوا


يا جماعه اشوفكم انحرفتم بالموضوع عن مساره .. اللحين البنيه كويتيه وكاتبه موضوع تقول هاردلك يا الأخضر ... وتقول ان أسؤ ما في الأمر هو انهيار العملاق محمد الدعيع ... فيه أكثر من كذا أخلاق !

والله ما برد تسبدي الا هالموضوع .. وانا أشوف ان مباراة السعودية والكويت هي حلاوة دورة الخليج .. والصراع الدايم بينهم والمستميت هو اللي محلي مبارياتهم ولو السعوديه فازت على الكويت خمسة صفر مثلا .. قسنب بالله مالها طعم ودنا المبارايات بينهم تكون قوية وممتعه ... والا الكويت وهو في أسؤ حالاته على الإطلاق البطولة الماضية في خليجي 16 انهزم من البحرين اللي حنا فزنا عليها 4 /0
ومع ذلك تعادلوا معنا 1/1

لن نستطيع أن نهضم حق الكويتيين أبد ..

بعدين الحدود اللي بيننا هذي مالها أي علاقة الناس اللي هناك وهنا وحده .. ومثل ما ذكرت الأخت ( وحش) تقول ان بيتهم كان قسمين !!

يعني العلاقات الأسرية بيننا وبينهم كبيرة وقوية .. أتمنى انكم ما تهملون الشي هذا

واللي يجمعنا دين ولغة وبيئة وطبيعه واحده ... بتفرقنا كورة !

الموضوع فتح من باب ( القلوب عند بعضها )

ما كان مفتوح للشماته علشان أشوف كل هالإشتحان !

حتى تأبط شعرا وصالح وباقي الشباب .. كان مزحهم زي العسل ! ( عاد أهل الكويت مهنا أخف من دمهم ... طبعاً بدري عليهم يصيرون مثلي )


وعاد انا للحين حبيب معكم

قسنب الله لو أشوف واحدٍ منكم جاي يتهاوش أو حتى يتناقش بهداوة ان يصير علم مهوب زين

وهذا انا حذرتكم

صحيح عين ما تجي الا بالناس الحمرا