[خالد بن تركي]

بسم الله


الخويطري فديت قلبك انا
وربي يابعدي اني منيب متضايق او زعلان من النتيجه
كلها على بعضها دوره وديـه لا ترفع من منتخب ولا تنزل من منتخب ثاني
كلنا اخوان طال عمرك


نايف حمود
الاحداث اللي ذكرتها مهيب غريبه على الجمهور الكويتي
وعندي موقف بسيط لنادي كويتي لعب مع نادي شقيق له وفي ارض الكويت وشوف وش سوا فيهم

( الصور تتكلم )



ما شاء الله خووووش ضيافه
ضيوف عندكم وتسوون فيهم كذا بجد بجد كفووو عليكم وبالكويتي عفيه عليكم
الجمهور والاداريين وحتى سواق الباص شارك بالاحتفال وبالضيافه الكويتيه لأشقائهم القطريين
الصور كثيره وتوضح اكثر لكن ما حبيت اسوي زحمه بالرد وحتى ملف الفيديو عندي لو حب أحد انه يعلق على الموضوع

فرق كبير بين التشديد الامني عندنا بالوقت لالي يكون فيه بطوله وبين عساكر الكويت اللي شاركوا بضرب اللاعبين القطريين
وقتل مشجعين سعوديين باحتفالات سابقه :white: :white:

..............................

سهوم الغدر

وبالنسبه لعدم الاعتراف بأن دورة الخليج غير معترف فيهااا بالفيفااا اجل ليش قاتلين انفسكم عليهاااا
وتزعلون اذااا خسرتوااا كان ما فيه داعي من الاساس انكم تحضروهاااا

قتلنا نفسنا عليها ؟؟
زعلنا يوم خسرنا ؟؟
مو لازم نحضرها ؟؟
ياخي انت من جدك تتكلم .. لا شكلك تمزح ..
فيه شي اسمه احترام للطلب الخليجي فيه شي اسمه تقدير لمكاننا في الخليج
احنا كخليجيين لازم نشارك بس مو لازم اننا ناخذ الكاس تراها دوره لا راحت ولا جت
وانت لاحظت اكيد ان المنتخب يلعب ببساطه ولا يجهد نفسه بشكل كبير لان وراه تصفيات كاس العالم اللي هي الاهم
لكن فيه احتمال واحد اننا ما نحضر بطولة الخليج وننسحب منها
اذا تكون بالكويت وسويتوا نفس حركاتكم النص كم اللي تسونها بكل بطوله تستضيفونها

لانناااا استطعناااا وضع علامه عليكم
تجعلكم تتذكرون دائماااا ان لكم منافسين ولستم المتسيدين كماااا ذكرت

اقوله انتوا بطولاتكم وانجازاتكم المتواضعه ما تقارن بانجازات المنتخب يقول فزنا عليكم بدورةا لخليج ووضعنا بصمه
بالله علمني شلون اوصل لك المعلومه ؟؟
ياخي فوزكم مايعني اي شي لنا يمكن انه يعني لكم الشي الكثير لكن لنا مايعني اي شي
وهذا راجع لنقص البطولات وغياب الانجازات عن المنتخب الكويتي عشان كذا يتشققون على هالفوز
يكفيك ان حتى الاهداف والمشاركات من قبل اللاعبين غير معترف فيها انها مبارايات واهداف دوليه ..
ويكفيك قبلها ان ولا قناة خليجيه او عربيه شرت حقوق هذي الدوره وخلتها حصريه على قناتها
وهذا يدل ان الجميع يعرف ومتاكد ان هالدوره اي كلام الا انت كانك ماخذ كاس العالم

بل هناك من يستطيعون ان يذوقونكم مر الخساره فتذكر جيدااا هذه الهزيمه 2/1

اشك انك بتبروز هالنتيجه وبتحطها بغرفتك
لهالدرجه طموحك وقفت عند هالفوز لهالدرجه يعني لكم الكثير
الله يهنيكم على هالبطوله يخوي لان فوزكم على المنتخب السعودي هو بحد ذاته بطوله
يخوي انت ما تلاحظ ان منتخكم ما يفوز علينا الا ببطولة الخليج وباقي البطولات نقمزه تقميز من البطوله
اووووه صح نسيت احنا نفوز بالحظ لكن هالنقطه بجيها بالاقتباس الجاي

وبعدين فعلا انتم رحتوااا كأس العالم ولا ننكر هذااا ولكن بالحظ وليس امكانيات لاعبينكم
لان امكانيات لاعبينكم لا ترقى لمستوى كأس العالم ودليل انكم ترجعون بهزايم ثقيله جداااا (وتفشل الله يعينكم)

والله لو هي جايه عليك كان انكرت وصولنا .. تسويها والله

وصلنا لكأس العالم 94 وقدمنا نتائج مشرفه .. بالحظ ؟؟
وصلنا لكأس العالم 98 وشاركنا مع منتخبات عالميه .. بالحظ ؟؟
وصلنا لكأس العالم 2002 برضوا بالحظ ؟؟
كنا طرف اساسي بنهائي كأس اسيا من بعد بطولة 84 الى ماقبل الماضيه برضوا بالحظ ؟؟
اخذنا بطولة العرب برضوا بالحظ ؟؟

ياخي هل هي عقده اسمها الحظ او اسمها المنتخب السعودي ؟؟

معقوله الحظ ماشي معنا من الثماننيات الى الان ؟؟

ياخي قول شي يدخل العقل
بعدين اذا الحظ ماشي معنا فهو توفيق من رب العالمين .. ياخي الله يحبنا

عندمااا خرجناااا بالهدف الذهبي والقاتل لنااا في كأس اسيا التي في لبنان
فعلا ان الحظ دايم معكم ولا ما كان الحظ

انت وش سالفتك مع الحظ ؟؟
احنا فزنا بالحظ وانتوا خسرتوا بالحظ
اقولك قلبنا النتيجه وجبنا كوبري على حارسكم وتقول بالحظ
الحظ وصل بين رجول حارسكم بعد

هي الهزيمه القاسيه من اليابان والتي كانت غير منتظره

توك تقول احنا نفوز بالحظ واللحين تقول غير منتظره يعني الكل كان متوقع ان المتنتخب السعودي يفوز
ليه ؟؟ لانه الافضل لكن ما توفقنا فيها
وبترجع تقول الحظ .. يخوي ارسالك على بر ترا ما عرفتلك


عموما انا قلت اللي عندي وما ضنتي راح اعقب على هالموضوع مره ثانيه

اللي يفوز الله يوفقه واللي يطلع من الدوره ما خسر شي ..

واسف اذا تماديت بكلامي لكن ما حبيت اخلي شي بخاطري

تبقى انسان عزيز واخ وزميل بالمنتدى ...

تحياتي يابطل