[خالد بن تركي]

ياجماعه وشبلاكم .. تراني ما قلت شي

احنا اخوان وخليجيين اكيد لكن ما يمنع اني اقول رأيي بصراحه

دامكم قارنتوا بين السعوديه والكويت راح اكمل المقارنه انا

اذا كان الكويت كسب تسع القاب خليجيه فترى دورة الخليج غير معترف فيها
تخيلوا 17 دوره والى الان الفيفا ما اعترفت فيها يعني لا تعدونها من البطولات هذي دوره فقط
واغلب دورات الخليج تجي يا قبل كاس العالم او قبل كاس اسيا او بعدها
يعني مصاحبه لبطوله كبيره واغلب المنتخبات ما تتجهز لدورة الخليج لان عندها مشاركات خارجيه
والكويت بالسنوات الاخيره بعيده جدا عن البطولات يعني ما وراهم شي الا دورة الخليج عشان يستعدون لها
عليهم بالعافيه :white:

اما بخصوص كاس اسيا ومركزكم الرابع ترا احنا اللي مرجعينكم لهذا المركز ( نسينا كوبري طلال المشعل )
وكان منتخبنا في قمة عطائه بهالبطوله لكن الحظ ما مشى معنا في النهائي

اما موضوع ثمانية المانيا ياخي اوصلوا لكأس العالم ثلاث مرات متتاليه مثلنا وانهزموا عشره صفر عادي
بس سووا ربع اللي سواه المنتخب ... يكفيك ترتيب المنتخب السعودي الاخير وهو اقوى منتخب عربي واسيوي

ياخي انا اتكلم باحصائيات من قبل الفيفا ..

اما موضوع لاعبين الكويت اللي احترفوا عندنا فهذا يدل على علو كعب الدوري السعودي والكل يفتخر بالانظمام لأحد الفرق السعوديه
واذا لاعبينكم احترفوا بالسعوديه ترا لاعبينا احترفوا في انجلترا والصين
وجت عروض كبيره للاعبين سعوديين من ابرزها عرض الفريق الهولندي للاعب نواف التمياط

ياخي صعب تقارن مستوى وتاريخ السعوديه بالكويت

الكويت وينها عن البطولات من سنة 88 ؟؟

بتقولي كأس الخليج .. ياجماعه كأس الخليج دوره غير معترف فيهااااااااااااا

افضل منتخب عربي واسيوي حسب التصنيف العالمي للفيفا هو المنتخب السعودي
افضل نادي هو نادي سعودي
افضل لاعب هو لاعب سعودي

انا اتكلم عن عطاء المنتخب وانجازاته في السنوات الاخيره
ياخي صارت اغلب الالقاب الاسيويه والعربيه حصريه للمنتخب السعودي ولاعبيه

والله اني ما اتكلم بنرفزه ولا اتكلم بعصبيه لكن هذا الواقع

فعلا كلامك صحيح اخوي خالد ان مستوى الفريق الكويتي ضعيف
ودليل انكم يا السعوديين دفعتوااا مبالغ لا تعدد ولا تحصى

ياخي العزيز احنا جبنا لاعبين من ساحل العاج احترفوا في انديتنا
يعني هل ساحل العاج فريق قوي ؟؟
تكلم بعقلانيه عزيزي ..

فأعتقد ان اول من له بصمه بالخليج عامه في كأس العالم كانت من نصيب المنتخب الكويتي

ياخي انا اتكلم عن الوضع الحالي .. وينكم عقب هالتاهل .. وين انجازات المنتخب الكويتي ؟؟
الكويت الان بعيدا جدا عن البطولات وعن الالقاب وهذا اللي انا اتكلم عنه
مستواها الان غير مستواها سابقا لكن انا اتكلم عن المنتخب الكويتي الحالي .. وينه عن البطولات ؟؟
وانت الله يصلحك تقولي اول من له بصمه بكأس العالم هو انتوا
يكفيكم هالتاهل ؟؟
خلاص يخوي سكروا انديتكم وبطلوا تلعبون كوره وقولوا احنا اول من تاهل كاس العالم وهذا يكفي

وفوق ذلك رغم ضعف مستوى المنتخب الكويتي فعلااا في هذه الدوره وقوة المنتخب السعودي

الضاهر انك ما قريت كلامي زين
انا قلت لاعبيننا ومنتخبنا غير مستعد لهالدوره لا لياقيا ولا نفسيا
وبعدين كأس الخليج ابدا ما كانت مقياس لقوة الفرق
ياما تفوز الكويت بالبطوله او تحقق انجاز فيها وعقبها يطلعون من كاس اسيا وتصفيات كاس العالم
عمرها ما كانت مقياس لقوة الفرق ابدا ...

لان لاعبين منتخب الكويت يلعبون لبلديهم ولا يلعبون لستعاراض مهاراتهم الفرديه

يعني لاعبيننا ماعندهم وطنيه ؟؟
بعدين يخوي مو مشكلتنا ان لاعبيننا مهاريين وعندهم قدره بامتاع الجمهور
وبعدين عدنا وزدنا في هالموضوع فوزكم ما كان لقوة المنتخب الكويتي لكن لعدم جاهزية المنتخب السعودي

وفي كأس اسياااا التى اقيمت في لبنان امام اليابان

الكلام اللي قبل هذا كله رديت عليه لكن هالنقطه ياليت توضحها اكثر
وش صار في كأس اسيا ؟؟
وش صار غير هزيمه الكويت من السعوديه ؟؟
وش صار غير كوبري طلال المشعل في حارسكم العملاق ؟؟
وش صار غير سرقة نواف التمياط للفرحه الكويتيه ؟؟
وش صار غير اخراج المنتخب السعودي للمنتخب الكويتي ؟؟
وش صار غير اننا رجـّعنا المنتخب الكويتي لأرض الكويت قبل انتهاء البطوله ؟؟
ذاكرتك خانتك شوي في هالنقطه ..
وكلنا شفنا المباراه النهائيه للمنتخب السعودي مع اليابان واداء المنتخب الرائع لكن الحظ ما ساعدنا
كلنا شفنا لكن المنتخب الكويتي ما شافها لانه كان بالطياره راجع للكويت عقب الهزيمه :white:

فقل مبــــروك للفائز من قلبك ودع عنك الاستحقار بالفرق المشاركه

ياعزيزي ورب البيت ما كان قصدي اقلل من شان المنتخب الكويتي او استحقر المنتخب الكويتي
انا كان القصد من كلامي انه وين المنتخب الكويتي عن البطولات
المنتخب الكويتي كااااااااان له انجازات وكااااااااااااااان له بطولات لكن وينه عنها الان
مع انه مو من كثرها لكنه وينها عنها ؟؟
عشان كذا اقول ان الكويت تراجعت كثير عن ما كانت عليه سابقا ..
اتمنى انك تتفهم قصدي ولا تفسر كلامي تفسير آخر ..

وبالنهايه كلنا اخوان وكلنا خليجيين ( بالنسبه لي ) وعمر الكوره او غيرها ما راح تغير اللي بيننا

والله يوفق الجميع ..

محبتيـ ...