.
.
والله يا اني كنت مجهز رد وش طوووله لكن علق معي المتصفح حسبي الله عليه
" المهم انا بقول وجهة نظري بمباراة قبل البارح "
الكويت اقل ما يقال عليه انه منتخب متواضع جدا ومهوب على مستوى المنتخب السعودي ابدا
الكويت كان بقمة استعداداه لمباراة السعوديه لكن منتخبنا ابد ما كان مستعد
والخساره لها اسباب من اهمها
ست لاعبين من التشكيله الاساسيه كانوا مشاركين ببطوله كبيره قبل ايام
اللي هم لاعبين الاتحاد وكان التعب والجهد ماخذ من لياقتهم الكثير
والمدرب ماله الا كم يوم مع المنتخب يعني ماعنده خلفيه واضحه للاعبين
لو لعب المنتخب السعوديه وهو مستعد لياقيا ً صدقوني بيفوز بنتيجه تاريخيه
الكويت مو فريق كبير ولا فريق بطولات .. تاريخه كله بدورات الخليج
لكن هل هو فريق حسم بطولات وفريق له سمعته دوليا .. لا طبعا
فريق متواضع واداه بسيط وامكانيات لاعبيه محدوده ..
وفوزه على منتبخنا ما يعني انه الافضل لا وربي مو احقيه بالفوز
مع احترامي للكويتيين طموحهم الى هنا انتهت .. فوزهم على السعوديه هو البطوله بالنسبه لهم
وصدقوني لو يطلع من الدور الاول الجمهور ما راح يحاسب اللاعبين لانهم خلاص خذوا البطوله من اول مباراه
لكن باذن الله نتاهل والكويت تتاهل ونتقابل بالنهائي وبيكون للمنتخب كلمه ثانيه
بالنسبه للدعيع فهو حارس كبير وراح يبقى كبير
ويكفي كلام بشار عبدالله عنه
بشار عبدالله بعد ساعات من المبارات كانت معاه مقابله من احد القنوات قال فيها :
اذا شفنا الدعيع في المرمى السعودي نعمل له الف حساب هو لحاله غير حساب الفريق السعودي
يكفيكم كم انفراد للكويتيين وكم تسديده على المرمى السعودي وكلها بعيده عن المرمى
ليه ؟؟
هل هو عدم تدقيق او تركيز منهم والمشكله ما كان احد مضايقهم
مو المشكله بالتركيز المشكله بالعملاق اللي بالمرمى السعودي
الهدف الاول كان غلطت الدوخي عكسها وفاجأ الدعيع
والهدف الثاني ابد مو ذنب الدعيع والله يا انه تمغط وسوا اللي يقدر يسويه والدفاع خذل الدعيع
الدعيع كان يحاول ويصد ويمنع المنتخب الكويتي وكان دفاعنا للاسف يطالع ..
نقطه حبيت اقولها بالهدف الثاني تراه تسلل ..
ليه تسلل .. بقولكم ليه
اول ما وصلت الكوره للاعب الكويتي قبل ما يلعبها مو فوق الدعيع كان فرج لهيب متسلل
وبعد ما خلصها الدعيع ورجعت شارك باللعبه فرج لهيب وهنا لازم تحتسب تسلل لانه شارك باللعبه
ياليت تعيدون الهدف وتدققون زين ..
بالنهايه الدعيع كبير والكبير طول عمره كبير ولا يهمونك يالدعيع ...
اما بخصوص التوتو بين الجمهور السعودي والكويتي فهذا من زمان مو شي جديد ...
لا نضحك على بعض ونقول كل جماهير المنتخبات تسوي كذا .. لا مو كلها
بس في مباراة الكويت والسعوديه
ما ودي اتكلم اكثر وافتح مواضيع قديمه
لكن العلاقه بيننا وبين الكويت دائما مشحونه وغير وديه ...
تبون نتكلم اكثر تكلمنا لكن ( خل الطابئ مستور
) على قولتهم ...
ويكفيكم التصريح ( الوقح ) لمدرب الكويت بعد المباراه وتهجمه بالكلام على الاعب محمد نور
ولا تهون حركة الكويت بالدوره العاشره اعتقد الاغلبيه يعرفون الحركه اللي سوتها الكويت بالدوره العاشره
يوم حطوا شعار البطوله حصانين او خيلين وكلنا نعرف وش القصد منها وهذا اللي خلى منتخبنا ينسحب من ذيك البطوله
عموما الله يصلح النفوس ان شاء الله ..
قطر ندى كل الشكر لك على هالطرح والله يوفق الاخضر في المباريات الجايه
احتراميـ ...