أتت .. بدون سابق إنذار !!
أتت .. كما هي .. وقدّمتها لكم .. كما هي !!
القلم ، والدفاتر ، والعتاب ، ودلالك = والليالي ، وأنا ، والعمر .. صرنا ضيوفك!!
إنعزلنا .. وتهنا في ضواحي إنعزالك = وإرتضينا العزوف اللي يبـدّد عزوفك!
صرت شمس(ن) آزور الليل يوم احتفالك = وانكسف تحت ظلك .. لا غزاني خسوفك!
وأشتعل نااااار غيره .. يوم انا اطري في بالك = ودّي ازرعك ذرّة !! في ظلامي واشوفك!!
إقتحمني ( خيال(ن) ) متـّـحد مع خيالك = وش بقى لو تعالت في خيالك كـْـفوفك
اندفع لك قصيد(ن) .. ما تجاوز مجالك = لو بدا من يدينك .. ما تسلّق كـْـتوفك!!
لك جمال المشاعر .. نابع(ن) من جمالك = تنتثر لك سحايب .. برقها من هنوفك
وافتخر بالمزون اللي لفت من شمالك = واعتبرها ضحــيـّـة .. من ضحايا وصوفك!
ما وصلنا حدودك ! .. لو هدفنا وصالك! = ولا كتبنا الملامح! .. لو قرينا حروفك!
دووووك وقتي تلاشى .. صار لا لي .. ولا لك ! = إنتقل من صفوفي .. قبل يضمن صـْـفوفك!!
إن وقف قلت : هانت!! وإن مشى لك .. حلالك! = وإن رحل في عيونه رهبةٍ من سيوفك
وإن سألته .. اخاف الردّ يجرح سؤالك! = وإن جرحته .. اخاف يبوح ويـْـثير خوفك!!
والله إن المشاعر ، والعتاب ، ودلالك = والليالي ، وانا ، والعمر ..... عشنا ظروفك!!