الموضوع: قـــلـب لـلـبــيـــــــع
مشاهدة مشاركة بصفحة مستقلة
قديم 31-12-2001, 21:14   #1
راعي العنود
رحمة الله عليه
 
قـــلـب لـلـبــيـــــــع
بسم الله الرحمن الرحيم

أخواني وأخواتي: السلام عليكم ورحمة الله وبركاته.

هذه المشاركه هي لتحريك الزملاء المتوقفين عن

الجديدولإدخال الأبتسامة على الوجوه الحبيبه على

قلبي والا ماهو صحيح للبيع

والله ليته ينفع أعطيه أخوي ولهان مير الشكوى لله

من يشـتري قلبي أبا بيع ببلاش

################ او ياخذه عنده يحطـه وداعه


نبيع بالتقسيط الا ما حصل كاش

################ كل ٍيطيع الوقت كانه ماطاعه


أزعجني كل شوي وهو بالحزن خاش

############### مادري نكدمادري يجيبه لكاعه


لاهـب نسناس الهـوى جاله نعاش

############## تبدى هواجيس الهوى والصياعه


والا سمع صوت الوتر صابه خراش

############## مع صوت أبونوره يزيد بضياعه


ماجاز له مجلس ولاارتاح بفراش

############### مطفوق وازعجني بكثر اندفاعه


والمشكله لاهوب يعاتب ولايهاش

############### وش حلــكم ردّوا علي ياجماعه

ولاّ تراني برمي الثوب وانحاش

############## و تدوروني بالصــحف والإذاعه


وسلامتكم....

أرجو ان تستمتعوا معها ونسمع التعليقات

الطريفه اللتي أستقبلها بكل صدر رحب سواء شعراً

وهو الأفضل إن أمكن وإلا التعقيب بدونه,,,,

فأهلا وسهلاً بكم في حراج القلوب والكلاوي





[ ديسمبر 31, 2001: تم تعديل الموضوع بواسطة : راعي العنود ]
راعي العنود غير متواجد حالياً   اضافة رد مع اقتباس