السلام عليكم ورحمة الله وبركاته
الصلاة والسلام على سيد المرسلين سيد الخلق جميعا ً محمد عليه افضل الصلاة والتسليم
أسعد الله صباحكم ... ومع مساء الليل يسعد الله مساكم
اخواني اتمنى من الله ان الاسلوب والقصه تعجبكم...... أن شاءالله ينال رضاكم وأعجابكم ويكون مرضي للجميع
وطبعا اتقبل الراي والراي الاخر ............... واللي ماتعجبه ان شاء الرحمن يعجبه شي ثاني من مواضيعي
مراحب صبايا اند شباب .... اشتقت لكم ولردودكم الحلوة>>>> افهمو عاد لا تكسرون خاطرها
يوم كنا قاعدين مع الماما وتقول لنا حتوته خخخخخخخخخ حبيت اقولها لكم عشان تلقون موضوع تقرونه وتردون عليه>>>> نغزه ثانيه..... الحتوته هي.....
:white:
فيه رجال غني وعنده اخت مسيطره وشريره>>> قويه هالكلمه وهو يحب الرحلات والتجاره في كل بلد وفي يوم قرر الزواج اختارت له اخته وحده مسكينه ويتيمه ومقطوعه من شجره عشان تسيطر عليها
وتزوجها الاخ وحملت وقرر يسافر لعمان وقال لزوجته واخته اذا جت بنت سموها (عمانيه) واذا جاء ولد سموه(عمانان) .....
سافر الرجال وجابت زوجته ولد وسموه (عمانان) خذت الاخت الولد وقالت لامه ان الولد مات عشان ماتغلى الزوجه عند اخوها وعطت الولد لخادم عندهم وقالت له اذبحه بعيد.... الخادم ما قوى قلبه وعطاه وحده تربيه بدون ما تدري العمه ........
رجع الزوج من السفر ومعه شال سواء كان للبنت او للولد ...... ودرى بموت (عمانان)
وبعد فتره حملت زوجته.... وهو كان بيسافر للشام وقالهم اذا جت بنت سموها(شاميه) واذا جاء ولد سموه(شامان).........وزوجته جابت ولد... طبعا الاخت سوت نفس اللي سوته في (عمانان).....
رجع الزوج وكان جايب معه شال سواء للولد او للبنت بس قالو له ان (شامان) مات.......
نفس الشي سافر الزوج لمكه وزوجته كانت حامل وقالهم اذا جبتي بنت سميها(مكيه) واذا جاء ولد سميه(مكي)........ وزوجته جابت بنت ...طبعا الاخت سوت في (مكيه)زي اللي سوته في(شامان) و(عمانان).....
رجع الزوج معه شال للولد او للبنت بس قالو له بموت (مكيه).........
الزوجه هونت عن العيال ماتقدر تتحمل موتهم..... وبعد حوالي 10 سنين قرر الزوج الزواج للمره الثانيه >>> قال ايش يبغى عيال
المهم الخادم اللي كان مكلف بقتل الاولاد عوره قلبه >>> بعد ايش
زين انه تحرك اخذ العيال ولبسهم الشالات اللي كان مفروضا انه يقطهم وقالهم كلام يقولونه اذا شافو ابوهم........
وقبل ما يدخل الزوج على الزوجه الثانيه>> يافرحه ماتمت
صفو العيال عند الباب .. وقال (عمانان) لـ(شامان): (ياشامان) احفظ (مكيه) عن الصبيان.
طبعا الزوج انتبه للاسماء والتفت عليهم وقالهم مين انتو عياله؟؟!؟!؟!
جاء الخادم وطلب الامان والعفو من الزوج وعلمه عن كل اللي سوته اخته...... الزوج اخذ زوجته وعياله وقالهم :وش تبون اسوي في عمتكم؟؟!؟!؟!؟!
ان وطيتها للحيه وان رفعتها للشارب>>> اتحداكم اذا فهمتو معناها خخخخخخخخخخخخخخخخخخخ
طيب يا حلوين لايكون طولت عليكم بس وش اسوي الحتوته كذا ..........
وانتم وش تتوقعون الزوجه والعيال سوو فيها !!!!!!!! ؟؟؟؟؟؟؟؟ لو كنتو مكان الزوجه او الزوج وش بتسوون؟؟
انتضر ردودكم............. بعدين اقولكم وش سوو في العمه
اختكم في الله الوتين