[منار التميمي]

تعال..ولاسمعت الغصن يتخاصم معه ظلّه
..........................تعدّ .. وخلّهم يحكون في سيرتك هالليله !!

تعال..ولاسمعت الدرب يتنحنح (عبث)؛قلّه:ـ
..........................ترى كل الدروب تشوف والمختال ياويله !!

تعال..ولاشعرت إن المكان أبطى مَحَل بِلّه
..............................وخل الحب يدبي في عروق الوقت ويسيله

تعال..أبطيت أهيّل لك غرامي وأرفض أزلّه!
.............................أخاف أزلّ لك بعض الغلا وأحسد فناجيله

تعال..الله يحبّك ياحياك اللي تقل حِـلّه
..............................أنا أقول (الحيا) ولا (الحلا) تتعب تفاصيله!

قسم بالله وصفك ذا طريقٍ عاجز أدلّه
..............................ودوك ليا نشدوني عنك قلت :ـ الله ياحبيييييله ...!!

ياحبيله وهو يحسب رضاي ليا زعل..ذلّه!
............................ياحبيله ولغروره على أجمل ناس في جيله

ياحبيله ليامن هبّ له في شيٍ وملّه
.....................وعوّدلي يجر خطاه من كِـبره .. وأنا أجي له

أعرف إنه يماري بي يقول إني أنا خلّه
...................وأنا خله .. ولا أدري كل هالغيبات وشهي له !!

وأنا قايل له إن اللي يجي بيحبّك أحسن له
.........................يسلم لك فرح عمره وتهدي له مناديله

غرامك زله وصارت ولا كل زله بزله
..........................وترى بعض الذنوب يكون تكفيره محاصيله

وأنا وإن سقت لك بعض الغلا ماسقت لك كله
............................أقسّم لك غلاك أخاف ماتستحمل تشيله !!!





شاعرنا القدير


ابراهيم الرشود

ابدااااااع لايوصف

قصيده متميزه بكل مافيها

بناااااااء قوي وتصاوير رااائعه وخياااال واسع

خال ٍ من التكلف ..

أقل مايقال عنها أنها رائعه ومتميزه جدا

صح قلبك يامبدع

تقبل اطيب التحايا وأرقها