إقتباس:
|
الرسالة الأصلية كتبت بواسطة عبدالمجيد الحقباني
غريب الوقت برقع وجه وفاته نظرة عيونه _______
الا وش حاجة البرقع وكل زبدة كلامك عين؟
يبرقعك الزمن قسوه وزخرف وجهك فنونه _______
وعجز ازميل ومطراق الزمن عن زخرفة لحظين!!
حبيبي مهما جلد الحرف بدّل شكله ولونه _______
يظل العظم في حرفك بياض ٍ يفضح التلوين
ذكرتك يوم صاح الغيم وهل الدمع بمزونه _______
على طاري الدمع فزيت ألعن كل طواري البين
وجيتك لاهث الاشواق يبللني المطر دونه ________
نحرت البرد لعيونك و سـكيني حمر تدرين
وكني طفل خواف ٍ جزوع ٍ صكصك سنونه ________
يخاف الليل في غرفه لو العابه على الرفين
وظهرتي مثل وهج الشمس يلهب بالشتا سكونه _______
ياكيف الشمس والانوار مع هالبرد مجتمعين؟
أبسأل هو بقى للحرف يسأل قلبك اشلونه ________
ابسأل هو بقى لكفي مساحه وسط كف الزين ؟
وقلتي والغنج ينطق وهالمره طغى فتونه ___________
ترى شدّيت من قلبي وجو غيرك يا هالمسكين
لمحت عيونك وقالت: تراها فيك مجنونه __________
و لا تهمك شفايفها ترى فيني كلام ٍ زين ..
ضحكت وقلت يا عمري يا عالم قلبي وكونه _______
بغنيلك ثلاث اشيا .. وقلتي لو سمحت الحين
ثلاث ٍ هي (غرابة وقت) (برقع) (عين مفتونه) _______
وقلت الغنوه يا ( -----) مطالعها بها البيتين
(غريب الوقت برقع وجه وفاته نظرة عيونه ________
الا وش حاجة البرقع وكل زبدة كلامك عين
يبرقعك الزمن قسوه وزخرف وجهك فنونه ________
وعجز ازميل ومطراق الزمن عن زخرفة لحظين )
ومازالت الاغنيه لم تنتهي ...!!!
ولكم كـــــــــل الشكر |
الله الله الله الله الله
الف من ذكره على هالجزله
اعجبتني بكل حرف فيها وكل مافيها من احداث وخيال وجزاله
لله درك يالحقباني
قصيده عانقت السحاب بجزالتها
تستحق القراءه كثيرا
صح لسانك وعلا شانك
اعجابي الشديد
احمد المرعضي