[تأبط شعرا]

لولا أنكم تعذرون
ماكانت هذه المحاوله الأولى

والبسيطه جداً ..




قلّـ .. ب مواجع ماتبي
قل .. بي
مكامن وحشتي
شرياني المتدفّق حزن ..
تفكيري المثخن جراح ..
أو ما تبي
تصحّي غبي ؟

أول غباه إنّه يحب ..
فـ قلوب ما تعرف حنان
وعيون عوّدها الزمان
إنّ المحب ..
قطعة هوان
لو ما مشت مشي الكسير
وإلا مشت تحبي
حبي ؟؟

بـ جمع بقايا ما بقى
ثلّة غضب ..
حفنة ضياع
نزوة كبيرٍ مارقي
سلّم عتب ..
أو طيش في كذبة صبي ؟؟

يا مراهقاتي المعشبه
في بيد جافيها السحاب ..
ويدين ما تعرف تهاب
عن شحذ ما يروي ضما
وإنكار تضليل السراب ..
وألا تبي ..؟
أبقى غبي
أغفى على حضنك
وأنام ..
وأصحى على
صرخة سبي ؟؟




هو عاد لك شف وإلا عاد لك رغبه
...... يا مغرق ٍ ما فتنّي فيك لـ الشوشه
في حَمل عقلي على ما يكرهه / وشبه؟
....... خفّاقك الي يحط من الهدو .. دوشه
إيّاك تفرح / وبيروت إتعذّر به
...... يومك تشهّد على مجنونك .. الروشه؟؟




مفرق طُرق ..

روحٌ تطيق مالا تطيق
أجفان صبٍ مؤرقه ..
تغفو
تُفيق
ديدانها فرط الثقه؟؟

عافاك يا سرب الحمام
قد لا أراك ..
أو قد أراك
معول خراب
تغريه رؤيا الإنقسام ..
ويقلقه ..

مرآى الوئام
لكنني
ولست أجزم أنني ..
أسعى إلى طرد الظلام
عن مقلتيك المشرقه؟؟




وألا تشوف ..
إنّي أنا
ماني أنا
وإنك وطن
مايشغله
نبح الكلاب ..
ويصفّق لـ
سقطة أبي؟؟

تدري
تعال ..
ما للعمر أفقٌ جديد
لو قلت لي عُروه
شهيد ..
لو قلت لي عفراء
تريد ..
والله يفعل مايريد
إسمع تفاصيل
النشيد
والليل والمسرى
على ..


قرن الظبي؟؟





حقيقه ما لـ منتوقك من القصّه .. ولا قصّه
....... وصايا شيخ قوم ٍ لـ أصغر إعياله يوصيها
تعبنا نبلع الماء ونتدارك حرقة الغصّه
....... وأثرنا الي نزوّدها تعب من فوق مافيها
نفوس ٍ ما تبي من حقها الضايع ولا نصّه
....... هياكل ماتحس أو هي جثث تمشي برجليها
حبيبي مثل مالك في كنوز المنكسر حصّه
....... أخذ ما تشتهي وإترك لنفسي شي يحييها
عشانك يا بعد من خطّ في صفحاتها قصّه
...... ترى لولا تنهّد حسّها ماشفت .. راعيها؟؟








بس ..


خلاص