[الجازي]

دقت الساعة ومعها أعتلا صوت الدفوف

................... بعدها ثار الغبار وما قـدرت أستدركـه


غارت جيوش الجفا والهم وحدها صفوف

.................... دكّـت حصون الغرام وأصبحت متهـتكه


وش تبين بفارس ٍ جيشه بلا خيل وسيوف

..................... حاير ٍ مابين يرجع أو يخـوض المعركه


قامت حروف المشاعر والخساير بالألوف

....................... ما بقى ياكود فارس مع فلول ٍ منهكه


صرت أشيل الهم فوق الهم وأتعبت الكتوف

...................... الأماني ما تحقـق والدروب مصكـكـه


بتجهّـز للرحيل وما على الذكرى حسوف

.......................... آه ياهمي وحزني والدورب المهلكـه


فاقد الشي كيف يعطي وأفهميني يالهنوف

...................... كيف أنا بعطيك شي ٍ دام أنا ما أملكه




معركه مع مشاعر أنتصر فيها عبدالرحمن الربيّع بِلا جدال .. وأنتصار كبير ..

ومن أكبر الغنائم .. قصيده رائعه ..

أبيات غنيه بالصور .. لا تخلو من المفاجئات الرائعه ..



الف صح لسانك ..

أعجابي الشديد ..

أطيب تحيه ..