يا قصر انا جيتك ولي لازم فيك = وذكرت شخص هو بهاك وجمالك
يا قصر عل العز يحفظ حواميك = حيثك تشرف كل منهو عنالك
عسى حياة اللي ليا جاك يحييك = تبقى وتسلم من دروب المهالك
سلمان رمز الجود ما فيه تشكيك = ما يسلك الا طيبات المسالك
أوفى من الوافين ذكره يناديك = كالشمس يجلي نورها كل حالك
الا وله نفس كرمها يلاقيك = لاجيت عنده طاب حالك وفالك
يا متعب بالجود ناس تباريك = طال الطريق وصار دربك لحالك
مالي وسيلة غير بالشعر اناجيك = عساه يبدي لو بعض حبنالك
والاانت فوق الوصف محدن يحاليك = يا باذل للناس نفسك ومالك
عسى الكريم بعين عطفه يراعيك = وتسلم لنا في قامتك وارتحالك