السلام عليكم ورحمة الله وبركاته
أقدم بين أيديكم ( إفتتاحيتي ) معكم وأتمنى أن أكون عند حسن ظنكم
وأتمنى أيضاً أن تحوز على إعجابكم الثمين
وأعلموا أني طالب في مدرسة ( غالبيتكم )
والنقد لابد منه .. لكي أتعلم منكم
فتفضلوها ... فهي قابعة تحت هذه النقط
.
.
.
.
.
.
.
.
من رأيتك صابني منك السهر وأشقيت وشقيت .. من رأيتك قمت اضيع في تفاكير هالراس
من رأيتك شاقني ماشاق مـن شــوق وســعيت ... لأجل أكون بدوم لك ربعٍ وأهل ٍ ونــــاس
من رأيتك قلت في نــفسي (تف) مــما رأيــت ... وقمت اهلل وأذكر المعبود وأشكره بحماس
أشــهد أن الحــظ زان مـن شـــوفة مــالقـــيت ... أنتي كلي وكل كلي أنتي روحي من أساس
قـلت في نفسي ضروري أني اوصف ماجنيت ... رغم إنك نادره من حضرموت لديار فـاس
الشعر مكـــدود مــــفرود مـــابه جــرم زيــت ... اسود وصــافي مثل ليــلٍ تبــاهى بلا قياس
والعــيون الباهــره العابــره عــن كــل صيـت ... حولها جيـش الرموش يذودها عن كل باس
والخــدود الصافيه النيـــّره تضــوي مـثل ليت ... بلــيلــةٍ عتــمه تـعيّش مـن رأهـا بإلتبـــاس
والبيـــاض اللــي يـراه أعمى ويــردد ماهقيت ... أني اشوف اللي يخلّي عقلي طايح بالمداس
وإن قعــدت أعــد حبــات خالـــك ماقضــــيت ... كأنهــا بٌــنٍ تـلاعب من على سطح محماس
قمــت ادور من يمين ومن شــمال ومــا دريــت .. إنــك أنتي بـس أنتي مـن يمـلك هـالجنــاس
قمــت أقـول ( الحمدلله ) اللي جعلني ما أبيـت .. إلاّ وكــّلـي مهلـلٍ ومسبّــحٍ عـــن كــل أاس
جيت أكمل ما كتبت وقمت اضيع بــأي بيـــت ... أرسمك أحلى وأنقــى قمت أضيـع بالقيـاس
بإختصار وبعـد ماقلتــه وحطـيتــه وحـكـيـــت ... أنتي خلطه بين ذهبٍ وفضه ولولو وألماس
أنتــي درة أنتــي حـره أنتــي حلمـي لو سهيت ... أنتي روعه أنتي لوعه أنتي لي كل الحواس
مهما رحت ومهما جيت ومهما بأحمالي وطيت ... ما ألاقي مثلك أنتي يا أعز وأغـــلى نــاس