_ .. يا نجـمـة الصـبح ليـت انك على ظنّـي !! .._
إلى شعبيـــات
وإلى أعضــاء شعبــيــات الأوفــيــاء
من قلــبي إلـى قلــوبــكم
هموم ونجوم والليل انتحى عنّي
................................. كنّي على عدهن في الليل مجبوره
بعض الليالي جميلة بس ممدنّي
...................................... عادات الايام بالتفريق مشهوره
مجنون ودك على دربك تجنّني !
............................... والمشكل انّي على طاريك مسحوره
احيان تشتاق واحياناً تزعلنّي
................................... ضيعت عقلي ومفهومه ودستوره
صحيح انا معجبة بس انتبه منّي
................................... بنتٍ على الدين والاخلاق مفطوره
بنات فكري قبل م اكتب يعزّنـي
.............................. واضيق منـهن بعد ماكنـت مسـروره
احدٍ يسـولف خلي البـال متهنّـي
........................... واحــد ٍ دموعه بمــوق العـين محـشوره
يا نجمة الصبح ليت انك على ظنّي
............................... وتعجلين الصباح يطـل في نــوره
اخر تعديل كان بواسطة » نورة العجمي في يوم » 29-06-2004 عند الساعة » 15:20.
|