رد : ذكرياااااات وموااااقف...!!
يا جماعة الربع و الربعات..
ابصارحكم و اصارح ابراهيم الرشود بشي اول مره يعرفه..
طبعا اخوه يوسف كان صديقي من ثاني مستوى في الجامعه..
و جانا اخوه ابراهيم في نفس الكليه..
المهم اذكر انه كان ينفخ اذا دقينا على يوسف و رد هو..
و كنت احس انه نفخه و مسوي زحمه و الشارع فاضي..
القهر اني كنت اخاف منه و هو اصغر مني..
و تالي كنت اشوف اسم ابراهيم الرشود في شعبيات..
بس ما بعد حط صورته..
و لا طرى لي انه هو..
لين حط الصوره..
قلت.: وجعععععععععععععع
وين طلع ذا منه..؟؟!!
مخوفنا في الكليه و في المنتدى..؟؟
عاد من التحريات اللي سويتها اكتشفت ان عبيص هو صديقه..
و ان فيصل بن خالد عدوه..
فقررت اني اصادق عبيص و ابو خالد..
عشان عبيص يتوسط لي ان جاء ابراهيم ينفخ علي..
و ابو خالد يفزع لي ان جاء ابراهيم يطقني..
و الله و اضبط اموري..
و اشوفه اول مره..
عند ليوناردو ديكابريو شعبيات اللي هو عبدالله مران..
و اثر الولد زلابه و انا كنت اخاف منه..
عاد جيت ابطنش عبيص و ابو خالد..
اكتشفت اني ما عاد اقدر..
صاروا هم اللي يخوفوني.. موب ابراهيم..
خص عاد ابو خالد .. و خص اذا صار معي سندويشة جبن بالمربى..
تذكر يا ابو خالد..؟؟
|