[مضاوي]

هذا موضوع... جديد ... وممنوع التبطح.. والسوالف.. كل واحد يجي .. ويهل سالفته.. ولاموقفه.. ولاذكرى من الذكريات

وعقب يمسك الباب .. بالذات ..الحراب.. موضوعي وكيفي... لاوبعد مسجلته بأٍسمي عند هذيك مدري وش اسمها

الوزارة اللي يسجلون... قصايدهم فيها...المهم مالكم بطول السالفه...


اذكر.. اني كنت شقيه حيل ايام .. الثانوي ..ولايمر اسبوع .. الابخمس تعهدات..


وعندنامديرة الله لايوريكم... قراقوش..صارمه..ماعنده لف ودوران..ترى السالفه صدق..

المهم.. كل ماهاوشتني ولاوقعتني .. دعيت عليها.. جعل رجلس يعرس عليتس.. اقولها بخاطري..<<<< بلاه من الخوف

وقدر الله ويعرس عليها رجلها.. هههههههههههههه.. واسعد خبر سمعتها...ذاك اليوم .. وتغيب المسكينه

وعقب ماجت .. شوفو النذاله كيف...رحت.. اناوشلتي .. في كل فصل .. انتركوم .. يتصل مباشرة بالمديره...


ونجي كل شوي داشين لنا فصل... وننغني .. ونصفق.. ونضغط الأنتركوم.. ونسمع المديره


ومباركين عرس الأثنين


وكلووووووووووووووووووولوووووووووووش


عااااااااااااااااااااشو


وكل مدريرتنا خياله عليهم رزة الرااااااااااية


كلووووووووووووووووووووولوش


عشان ماتعرف من احنا.. كل شوي طابين في فصل.. ومسوين الحركه..

هبلنا فيهاااااا


وعقب اخذت اجازة استثنائيه المسكينه ... بلاه من القهر




بااااااايات