[نواف الشمري]

أرجــــوك .. كل الحكي معروف .. من بدري
.................. مافـــيــه داعـــــي تـعـيده .. شوف لـك غيره



تدري ..! أبـــآشاركك .. باللي شغل فكري
.................. وخل السوالف .. ( رحى ).. وقلوبنــا تــديــره



سنـــتين مرت وأشوف الثــالثة .. تجــــــري
.................. وحنـــا نجامل .. وكـــل ٍ بـــان تــقــصيـــره



قد قــلــت لك من زمان .. إن غبت من عذري
.................. ما قوى على الهـــم والغربـــــال والغــيــره


وشلون أبقوى .. ودم فــراقــنـا يـــســــري
.................. بعروق الأيـــام .. من كــان الصدر .. ( ديـرة )



لين أثقل الهم كـتـفـي .. وإنـحــنــا ظـهري
.................. ودنــقــّـت .. والــبـــال .. طــاح بـكفة الحيرة

وقفه للتأمل



ومــاشفت . بــعـيـونك النعّـــاس .. من قدري
.................. غــيـــر إنــي اللــي كـِـسر خـَـاطر مشاويره



تذكر .. قبل كم سنة يوم الـجـفـــا يطــري !
.................. وتـقــول لي : بــس عــــاد .. وفضــها سيرة


خلاص .. كل ٍ يدور لـــه طــريــــق .. أدري .!
.................. مـــا نيب أبشكي .. جعل بفراقـــنـا خيرة !



من كم سنة كنت أعز إحســاس في صـــدري
.................. واليوم دار الزمــــان .. و ( فـضــها سيــرة )

عبدالله البكر ...!


هنا شعر لمن يبحث عن الشعر ..

هنا فكره..

هنا مفرده..


هنا مشاعر وأحاسيس تتدفق على هيئة شعر ..


هنا يحق للذوق أن يتنفس أوكسجينه ...

عبدالله البكر ...

يالها من رائعه ... ويالك من مبدع ..

اكتب دائما ...لتسمو بذائقتي ..


تحياتي لك ولروحك كلما انسابت على شكل قصيده