[نورة العجمي]

ليل المفارق لــه بخـــدي مـــواري
-_-_-_-_ وبصدري أضحت لـه تناهيد واوجاع
.
لو قلت أداري يـاخي شلــون أداري
-_-_-_-_ دام الفـرح مــا بين الايام قــد ضــاع
.
عجزت أدوّر بين الأضــلاع داري
-_-_-_-_ وعجزت أداري خافقٍ بين الأضلاع


كنت أدري انه خارج ٍ عن مــداري
-_-_-_-_ لكــن أحاسيسي تصــوّت بإجــمــاع
.
إنــه شعــور ٍ بالشــرايين جـــاري
-_-_-_-_ وانه أسرنـي بالحــلايــا والاطبــاع
.
صرت أذكره مع كل طاري وطاري
-_-_-_-_ واذا نظـرتــه صــرت بالحيل طمّاع
.
والله مــا كان الــوضع باختيــاري
-_-_-_-_ إني أكــون بكــل الأحــوال منصـاع
.
والحين قفّــا وابعدتــه المــسـاري
-_-_-_-_ قــفّــا ولا ودّعـنــي بــقــلـب وذراع
.
قفّا وطيفـه جايــر ٍ فـــي حصاري
-_-_-_-_ أرتــاع لا شفتـه واذا غـاب ارتــاع


لله درك


قصيده عذبه


غارقه في الأبداع


جمال وحرفنه


كل حرف وصل الى قلوبنا


صح لسانك لاهنت


تقبل اعجابي


لك كل الود والورد