|
ومن يومك وأنا أنسب صدودك للخجـل بهبـال
وأقول إنك بعد رااايح معـي وأصـدق هبالـي
واحس إنك تراقبني وتتلفـت (عيـون البـال)
وأنا أمسك نظرة (عيوني) أبيك تشوفني سالي!
والى هالحين..صدقني لوإن لي حيلـةٍ بأحتـال
ولكن مامعي حيله...ولانـي طايـقٍ حالـي!!
ولاأدري اليوم وش طاري علي وشلت لك موال؟
مع إنك مـن قبـل عاميـن تاركنـي لموالـي
ذكرت شلون كان بوسط صدري للهوى تمثـال
ورحت ومات تمثال الغـرام وعـاش تمثالـي
ذكرتك والضيا شمعه حزينـه واقفـه بإجـلال
لطابور الدموع اللـي يعزينـي علـى آمالـي
ذكرتك وألف شي وشي مـرّ بخاطـري يختـال
خيالٍ لوتبي زبـدة علومه..إسمـع التالـي:-
((تخبر وقوف الأرض اللي أقوله تو..والرجال؟
ترى من جد وقفهـا علـى ذكـراك يالغالـي))
صباح الشعر
المبدع ابراهيم الرشود
حضور مع نور
لله درك من شاعر مدهش
قصيدة رائعه وعذبه
حرفنة شاعر
صح لسانك يامبدع
عذب التحايا
|