ياورد علمنـي وش العطـر نـاوي
أوتدري أسكت(يمكن أنساه وأفوق)
واللي نشد (وش فيه ناحل وذاوي؟)
مافيني إلا أني بعض طين وعـروق
وأنا نعم ( للحين) شاعـر هـواوي
إن ظقت وإلا إن رقت جيتك بطاروق
حبيبتـي مانـي حزيـن وشقـاوي
لكن غدت ضحكاتي لفمـي عقـوق
حبيبتـي ماعـاد فيهـا هـقـاوي
بيّن بياض الياس والصبر مشقـوق
وإلا الهبايب لـو تحـنّ الخطـاوي
ماكان أبد عاشق نسا وصل معشوق
أبو تركي
مدري وش اقولك بمناسبة عودتك لان فرحتي بعودتك ................................ دوّر في المعجم العربي كلمه تليق بوصف فرحتي وكمّـلها انت
بالنسبه للقصيده وللشعر بشكل عام
انا من زماااان وانت تدري بالشيء هذا قايل عنك إنك شاعر شارووووووني (تكرم ويكرم كل من يقرا هالإسم) لكن ميزة شارون الإجرام وإنت بعد ميزتك الإجرام في الشعر ..
على فكره تراك شايب .. تدري ليه؟؟؟
لأني أذكر إني كنت اتابعك وانا في الثانوي وانا من زماااااااان مخلص ثانوي
تحياتي لك ولعودة المطر