[ولهان-1]

كان اول الليل عبرة واخره ماطر
.......... وكل السوالف سرت للنجم مبلولة
ياليلة الضيق سيفك بالحشى باتر
..........ياليلة المبخرة والريح والـتولة
ياكبر سرك من المغمور للغامر
..........اثقلت به كاهلي مره ومعســــولة
(الزيزفونة) حكت لي وانجلى الساتر
..........يازين هرج(ن) تــقولة بــس ماقـولة
انا ادري انها بكت حالي وانااكابر
..........سـمعتها يوم هـــل الجرح هملولة
كانت تقول انتهض من حــيلك الفاتر
.......... ترى الليالي على الشــــدات محمولة
تقول: وش فيك 00 هذا العبد للقادر
.......... واقول ياطــــــول ضيق النفس ياطولة
مايستوي المهتني بالوقت والصابر
..........وياشين صبر(ن) يزيد الحمل محصولة
الله يســـقي زماني يوم انا خابر
.......... ماكان به هـــــم لاوالله ولاحولة


هكذا هو عبدالهادي الخليوي
شاعر يتجاوز الابداع
الى ماوراء النفس
وماوراء الألق
وماوراء الشمس
00
شاعر يكسر كل الطقوس
ويتلاعب بالمفرده كيفما يشاء
..
عبدالهادي الخليوي
شاعر استثنائي
في قصائدة نكهة الرمان
وعبق الجوري
شاعر يجيد صياغة القصيدة
بعبقرية خاصة
00
عبدالهادي الخليوي
او العذب (ناوي)
لحجم صداقتي به
ولحبي الكبير له
تظل شهادتي فيه مجروحه
فهو ابلغ من الكتابة
00
صح لسانك يابوفهد
وبيض الله وجهك
وهلابك يابعدي