شعبيات - مشاهدة مشاركة بصفحة مستقلة

فيصل الخالد · 23-01-2004, 15:53

والله من جد مشكله يا جماعة الربع

من جد مشكله

باختصار

او قبل باختصار

السلام عليكم ورحمة الله وبركاته

وكيف حالكم

وعوالكم

ايش حالك نفداك ؟

المهم بادخل بالموضوع من اوسع ابوابه او شبابيكه

كلمني عقلة الاصبع خشمان

قال ابو خاااااااااااااااااالد

طبعا هو معروف ان صوته اطول منه

قلت له ها وش تبي

قال انا بالشرقيه والله اني بالشرقيه

قلت له طيب ويعني وبالشرقيه وش تبي وش اسوي لك

قال ودنا نشوفك

قلت له ماني فاضي لك

ومن زين شوفتك الحين

قال تكفى بنروح لواحد اسمه ثامر الشعيفان ولازم تجي تكفى

قلت ثامر مين ياخويه

قال ثامر ثامر ما عليك انت بس تعال تكفى وانا اوصف لك البيت

قلت ياخي وين اجي وانا لابس ثوب الحين وين ارجع البيت والبس جينز قال لا ما يحتاج قلت وين ما يحتاج الدعوه ثامر ورأفت ولؤي وشكلهم جايبين دي جيه وانواع اغاني عمرو دياب ودي ديه دي دي واه

قال لا يابن الحلال تعال وما عليك

المهم ما لكم بالطويله

شوي الا كلمني واحد بدوي مقطع عمره شكيت انه يبي يبيعني ارض بالربع الخالي

كيف الحال وعوالكم وشيبانكم طيبين وعيال الحاره والشغاله ان شاء الله كلهم تمام

وانا ما يمدني ارد كل الي اقدر اقوله

والله الحمد شوي الي ناشب لي بسؤال ثاني
طبين والامور وطيبين

المهم يوم سولف له ابو ساعه وربع قلت له مين معي ياخوي انا ثامر وطبعا ردة الفعل المباشره

ايه هين وش ثامر

قال ثامر قال

انت شليويح يالله اصدق ثامر مين يا بو ثامر

قال والله ثامر

المهم لجني وانا ماني فاهم شي من الي يقوله بس عطيت السماعه للي جنبي يشرح لي وقعد يترجم لي يقول الرجال يبيكم تروحون له

الزبده رحنا لثامر
اي دي جيه واي فله وسلم لي على عمرو دياب

من يوم ما دخلنا لين ما طلعنا ما فهمنا غير حياكم الله

وحتى هذه الحمدلله اني سامعها بمسلسل بدوي من قبل والا كان ما فهمتها منه

المهم الحراب وعبيص والشهري طالعين لي فيها على بالهم فاهمين له

وما غير دحدره روس لكن هذا وجهي اذا كان احد فاهم شي

لا ومن زين الطبايع عازم ربعه ابو الشباب وربعه ما سمعنا لهم صوت

ساكتين ويطالعون فينا مادري وش قايل لهم هو

وواحد من اخوياه كل شوي يقوم وياخذ له فره على جاكيت عبيص الي هو عباره عن خروف عيد المهم ماحد كان فاهم له شي

واتحداهم امام الكل يقدورن يعيدون جمله

اي جمله

الا كلمه واحده من الكلمات المتقاطعه الي كان يقولها ابو الشباب تامر مادري ثامر مادري رأفت

المهم الرجال الظاهر اول مره يجيهم ضيوف

غثثثثثثثثثثثثثنا قهوه شاي

شاي قهوه

قهوه شاي

شاي قهوه

وكل ما جا الحراب يحكي نشب له وتهاوش معه

كل ما جا عبيص يحكي نشب له
كل ما جا الشهري يحكي نشب له

فاكتشفنا ان الرجال ما يعطونه وجه ببيتهم ولا يخلونه يسولف فقرر يجمع ربعه عشان يسولف عليهم

يوم نفخ روسنا قلنا بنمشي قال تكفون الغدا بكره

قلت يابوي طير ماني فاضي لك

قال تكفى

قلت له طيب وش غداكم يمكن ما احبه

ما رضى يعلمني

المهم مره وما عاد نكررها

والواحد يتعلم من اغلاطه

ثامر بذمتك وش اسمك الحقيقي؟

ارجو انك تكون صريح امام الكل وتقول وش اسمك ؟؟؟؟

قال ثامر قال

عبيص

لو سمحت مره ثانيه لا عاد تترجاني اروح له من غير مترجم انتو تبون تتعلمون لغات اجنبيه جديده بكيفكم انا ما ابي

ولا عاد تلبس الخروف يمكن اهلك كانوا يبون ياكلون ؟

وانت يالحراب

الله لا يهينك لا تستحلي الشرقيه كل شوي ناقز لنا تحسب انك غالي

لا وتتمليح بعد انا هنا

قم يابو انا هنا

خلاص فكنا بس ماحنا فاضين لك

ياليت تمسح رقمي من جوالك يابو شاشه مكسوره

وش تبون طسوا خلاص

23-01-2004, 15:53	#1
فيصل الخالد شــاعر	ابلشنا ذا البدوي والله من جد مشكله يا جماعة الربع من جد مشكله باختصار او قبل باختصار السلام عليكم ورحمة الله وبركاته وكيف حالكم وعوالكم ايش حالك نفداك ؟ المهم بادخل بالموضوع من اوسع ابوابه او شبابيكه كلمني عقلة الاصبع خشمان قال ابو خاااااااااااااااااالد طبعا هو معروف ان صوته اطول منه قلت له ها وش تبي قال انا بالشرقيه والله اني بالشرقيه قلت له طيب ويعني وبالشرقيه وش تبي وش اسوي لك قال ودنا نشوفك قلت له ماني فاضي لك ومن زين شوفتك الحين قال تكفى بنروح لواحد اسمه ثامر الشعيفان ولازم تجي تكفى قلت ثامر مين ياخويه قال ثامر ثامر ما عليك انت بس تعال تكفى وانا اوصف لك البيت قلت ياخي وين اجي وانا لابس ثوب الحين وين ارجع البيت والبس جينز قال لا ما يحتاج قلت وين ما يحتاج الدعوه ثامر ورأفت ولؤي وشكلهم جايبين دي جيه وانواع اغاني عمرو دياب ودي ديه دي دي واه قال لا يابن الحلال تعال وما عليك المهم ما لكم بالطويله شوي الا كلمني واحد بدوي مقطع عمره شكيت انه يبي يبيعني ارض بالربع الخالي كيف الحال وعوالكم وشيبانكم طيبين وعيال الحاره والشغاله ان شاء الله كلهم تمام وانا ما يمدني ارد كل الي اقدر اقوله والله الحمد شوي الي ناشب لي بسؤال ثاني طبين والامور وطيبين المهم يوم سولف له ابو ساعه وربع قلت له مين معي ياخوي انا ثامر وطبعا ردة الفعل المباشره ايه هين وش ثامر قال ثامر قال انت شليويح يالله اصدق ثامر مين يا بو ثامر قال والله ثامر المهم لجني وانا ماني فاهم شي من الي يقوله بس عطيت السماعه للي جنبي يشرح لي وقعد يترجم لي يقول الرجال يبيكم تروحون له الزبده رحنا لثامر اي دي جيه واي فله وسلم لي على عمرو دياب من يوم ما دخلنا لين ما طلعنا ما فهمنا غير حياكم الله وحتى هذه الحمدلله اني سامعها بمسلسل بدوي من قبل والا كان ما فهمتها منه المهم الحراب وعبيص والشهري طالعين لي فيها على بالهم فاهمين له وما غير دحدره روس لكن هذا وجهي اذا كان احد فاهم شي لا ومن زين الطبايع عازم ربعه ابو الشباب وربعه ما سمعنا لهم صوت ساكتين ويطالعون فينا مادري وش قايل لهم هو وواحد من اخوياه كل شوي يقوم وياخذ له فره على جاكيت عبيص الي هو عباره عن خروف عيد المهم ماحد كان فاهم له شي واتحداهم امام الكل يقدورن يعيدون جمله اي جمله الا كلمه واحده من الكلمات المتقاطعه الي كان يقولها ابو الشباب تامر مادري ثامر مادري رأفت المهم الرجال الظاهر اول مره يجيهم ضيوف غثثثثثثثثثثثثثنا قهوه شاي شاي قهوه قهوه شاي شاي قهوه وكل ما جا الحراب يحكي نشب له وتهاوش معه كل ما جا عبيص يحكي نشب له كل ما جا الشهري يحكي نشب له فاكتشفنا ان الرجال ما يعطونه وجه ببيتهم ولا يخلونه يسولف فقرر يجمع ربعه عشان يسولف عليهم يوم نفخ روسنا قلنا بنمشي قال تكفون الغدا بكره قلت يابوي طير ماني فاضي لك قال تكفى قلت له طيب وش غداكم يمكن ما احبه ما رضى يعلمني المهم مره وما عاد نكررها والواحد يتعلم من اغلاطه ثامر بذمتك وش اسمك الحقيقي؟ ارجو انك تكون صريح امام الكل وتقول وش اسمك ؟؟؟؟ قال ثامر قال عبيص لو سمحت مره ثانيه لا عاد تترجاني اروح له من غير مترجم انتو تبون تتعلمون لغات اجنبيه جديده بكيفكم انا ما ابي ولا عاد تلبس الخروف يمكن اهلك كانوا يبون ياكلون ؟ وانت يالحراب الله لا يهينك لا تستحلي الشرقيه كل شوي ناقز لنا تحسب انك غالي لا وتتمليح بعد انا هنا قم يابو انا هنا خلاص فكنا بس ماحنا فاضين لك ياليت تمسح رقمي من جوالك يابو شاشه مكسوره وش تبون طسوا خلاص التوقيع: جيت ماني مثل ناس ٍ غرها حُب الظهور ....................... بن حلال وجا يلبي دعوة اعيال الحلال اللهم ارحم عبدالله الدبل اللهم ارحم يوسف اللهم ارحم فريح العقيلي اللهم ارحم موتى المسلمين fdabal1@gmail.com