[محمد بن حزام]

السلام عليكم ورحمة الله وبركاته

أخواني .. أخواتي .. أسعد الله جميع أوقاتكم

============================

مصافحه متواضعه تترقب أنظاركم .. هي لكم بكل عثراتها ...

============


لقاء من بعد غياب ...

ورضوخ تحت وطئة العديد من التساؤلات ...


حزن يتقابل مع فرح .. لتولد هذه البسيطه ....


====

لتلك القابعه في أعماق صدري ...

[poet font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=200% align=center use=ex length=0 char="" num="0,black" filter=""]
سوسني تالي الحكايا وانظريني اقبالك = طيّري عصفورتينك واحضنيني شويّه
خلّي المشتاق يشرب من عسل فنجالك = وارسميني في حياتك شمعتين وفيّه
لوّعيني يا عسا تلويعتي تهنالك = وارفقي بي يا حياتي وارهنيكي ليّه
بادليني بالمشاعر في هجير وصالك = واتركيني بين ذاك وبين ذاك وذيّه
بين نحر وبين صدر ايضمهم سلسالك = والشفاه اللي من الشهد الحلو مرويّه
واطوي الليل بنهاره والنهار بفالك = واخلقي لي كم لحظه تحتويها النيّه
عقبك أيامي حزينه تحتري مرسالك = والليالي حالكاتٍ بالأسى مطويّه
الفرح لا من لفاني قلت : مالي ومالك = حالف إني ما تبوسم بعد ِ غيبة ضيّه
بس أعانق في سما حبك خرز خلخالك = الهدايا .. صورتك .. والرسمه العفويّه
السوالف .. طلبتي لك اتركيني ابّالك = رجفة ايديني .. انتظارك بين روحه وجيّه
يا حياتي علميني كيفها أحوالك = والله إني في غيابك حيلتي مكميّه
علميني كم رساله ظمها جوالك = من جنابي لا قريتيها لفت عبريّه
بنشدك هي صورتي باقي وسط جزدالك ؟ = هي عيونك تسهر بدمعاتها ليليّه ؟
سولفي لي يا عسا تالي الحكي يهنالك = سولفي لي يا عساها حاجتي مقضيّه
سولفي لي يا عساني ما عدم مقيالك = والوله لا تحبسينه لا لفى طاريّه
حسسيني بان شوقك وصّلك لهبالك = واستفزي كل عرقٍ يرتجي عانيّه
وادهلي بي كل مدهل مدهلي مدهالك = دامها كل الدروب المقبله مقفيّه
هي تساوت في عيوني كشفتك واسبالك = دامني في جو ثاني ما ملكني زيّه
ناظريني واتركيني غارق بفنجالك = قرّبي عصفورتينك واحضنيني شويّه


وسلامتكم

اخوكم

محمد بن حزام

[/poet]