ارحب يابو نوت
واعذرني على القصور مسبقاً
[poet font="Simplified Arabic,4,darkblue,bold,italic" bkcolor="transparent" bkimage="" border="groove,4,black" type=2 line=200% align=center use=ex length=0 char="" num="0,black" filter=""]
يامرحبا ياصباحٍ جاك فايق = في ديرةٍ طيّب الكادي نسمها
ترحيبةٍ ماتشاديها الحدايق = نباتها قدّها .. والما قدمها
يابو جلالٍ تعيّفك الدقايق = وابو يمينٍ عساني ما اعدمها
هي كلمته دون كلمات الخلايق = اقرا بها .. واسمع ابها .. وافتهمها
بغيت اجاريه واثري ( غير لايق ) = يابعد خطوات حرفه لا زهمها
اثر الوثايق مهي نفس الوثايق = ولكل دولة خصوصية علمها
بس الحقيقة ترى بعض اللصايق = من قربها تحسب الجلد التهمها
انا على فال لو للعلم بايق = ختالة العلم ما يربح سهمها
مالي بخوّة مريرين المذايق = الحنظلة جنبهم يزهى طعمها
الا انت يا متعبٍ شتّى الطرايق = شهادة الحق ويل اللي كتمها
ارواح الاصحاب في الدنيا شقايق = وانا اشهد انك على قمة هرمها
[/poet]