[نوف الثنيان]

الطريـق صـوَرّ حرمـان ومسـافـاتٍ سجيـنـة
.......والبيـوت اقفـاص والعالـم طـيـورٍ مستكـنّـة

والحبيـب اللـي تخيلتـه سمـا كـل المديـنـة
.......جيت ابا اطير بـه جروحـي وطـارن مـا لقنّـه

ويـن اروح اليـوم والحرمـان طالتنـي يديـنـه
.......مثـل مـا طـال الظمـا زرعٍ سواقيـه اخلفـنّـه

قهـوةٍ سـادة بـلا خـلان وجــروحٍ مكيـنـه
.....والشجر تعـزف بـه الريـح وعصافيـره نسنّـه

كنـي الجالـس بجنـب جـدار وتعـدت سنيـنـه
.......مثـل قرطـاسٍ صليـفـات الهبـايـب طيـرنّـه

واحـدٍ لـولا الرجـا مـا مـد للدنـيـا يميـنـه
.......بـس عـن قولـة قعـد للهـم وايامـه جفـنّـه

سوّرت حزني وصـارت حـارس لدمعـي وعينـه
.......وفتحت شبـاك للشكـوى وطـارت منـه .. ونّـه

اذكـر ان عيونهـا شاطـي ودمعتـهـا سفيـنـه
......كل مـا هبـت هبـوب فـراق جتنـي مستسنّـه

قبلها .. كن الدهر يسأل .. زمان الوصل .. وينه ؟!
......بعدها .. ماظل .. ف الدنيـا مـع الخـلان جنّـه

نايف عوض ..

أسم شاعر يقترن بالأبداع من أول قصيده نقرأها له ..!!

لغه شعريه متميزه تعكس وعي الشاعر وجوانب فكره وأبداعه ..

غنى وثراء في المعاني والصور ..

الف صح لسانك ..

اعجابي ومتابعتي .