الانتخابات الشعبية في شعبيات

السلام عليكم

اول شئ لا احدن يدف ولا احدن يسوي زحمة ادري انكم متشفقين تشوفون لي موضوع في الاستراحه

<<<<<< ماخذن مقلب في عمره :white:

وادري بعد ان الاستراحه بها شئ من الركود فقلت في نفسي اسدح لكم هالموضوع يمكن يحرك شعبيات كلها مو الاستراحه بس

<<<<<< تحسون انه واثق من نفسه بزوووووووود هو خشته اتوقع ماهوب ماخذن مقلب الا ماخذن حادث مروع في عمره tsh4


قبل نبدأ ترا الموضوع جاد جداً وبيتم على ضوئه شغلات واجد في شعبيات يعني يمكن يصير فيه انقلاب الله لا يعوق بشر

tsh7

ايه هين

المهم الموضوع هذا عبارة عن انتخابات ومرشحين وعلوم غانمه :eek:

والموضوع فيه شروط وهي كما هو الحال بعد شوي ويجب قرأتها قرأتن جيدتن

<<< لا ويتشرط بعد من زين الطبايع

الشرط الاول

كل واحد من اعضاء وادارة شعبيات يقدر يرشح نفسه للانتخابات او على الاقل يسجل نفسه كناخب وتراه مسموح للبنات المشاركه فيه كمرشحات وناخبات يعني من باب الديموقراطيه انبسطوا يا بنات وبالنسبة للزوار واعزتا لكم لم ينجح احد اكتفوا بالمشاهده عن بعد

<<<<<<< يبي يغث الزوار tsh1

الشرط الثاني

بالنسبه للاعمار مفتوحه يعني تقدر ترشح نفسك يابو نوت انت وابو عليا وابو مران ما فاتكم الباص قصدي القطار واللي يبي يسجل نفسه كمرشح يقول ( ابي ارشح نفسي ) واللي يبي يسجل نفسه كناخب يقول( ابي اكون ناخب )

الشرط الثالث

ترى ماهوب كل من هب ودب يتم اختياره كمرشح يعني اللي يرشح نفسه يكون واثق من عمره ويكون وضعه المادي طيب وسمعته زي البيريلانت <<<< (( دوم اسمعها في المسلسلات المصريه قلت اجيبها تونسنا فيذا )) المهم ان اللي بيتم اختيار اسمائهم في الاخير كمرشحين لهم عدة مقومات واللجنه هم اللي يحددونها

الشرط الرابع

بالنسبه للمرشحين اخر موعد لهم يوم الخميس الجاي وبالنسبه للناخبين اهم شئ اذا جاء وقت الترشيح يجي يرشح له واحد بس ويا ويل اللي يحجب صوته ويلاه :o


الشرط الخامس

هالموضوع بيتم لمدة اسبوع من الان يعني يوم الجمعه الجاي بينحذف بحصاة ويتم الاكتفاء باللي شاركوا فيه واذا كان عدد المرشحين والناخبين ماهوب مرضي بننقي كم واحد من اللي ردوا على هذا الموضوع وننزل اللائحة الانتخابيه وفيها اسماء المرشحين وبتكون في موضوع جديد ومستقل ويفتح فيه التصويت (( يعني ماكو فكه )) :cool:

الشرط السادس

من حق اللجنه استبعاد اي مرشح او ناخب ماهوب عاقل وبيتم التمدس في بطنه الين يقول للعنز ياخاله :mad:


الشرط السابع

اللي يمر من هنا من اعضاء شعبيات لازم يرد تكفووووون ردوا ولا تغلون يامال العافيه :rolleyes:

الشرط الثامن

هذا الشرط طلبه يعني ماهوب شرط صدقي مثل الشروط اللي قبل وهو اني ابي من الادارة يحطون دعايه للموضوع في هالنوافذ الفاضيه تراه متعوب عليه وماهوب ضروري تكون جنب دعاية فوزي المطرفي حطوا دعايته في النوافذ اللي تحت دامها شاغرة ;) :white:

<<<<<< هالحين خله يتثبت الموضوع في الاستراحه ثمن نتافهم :confused: tsh8 :(

والله الله بالمشاركة الطيبه والفعاله

ملحوسه

قصدي

ملحوظه

نستقبل الاسئلة ولاستفسارات وبقايا الاطعمه والولائم في هالموضوع وعلى الهاتف المجاني اللي مابعد سددنا فاتورته tsh8

انتهى

ودمتم :p