|
فهـد عافت
لا الشاعر .. الشاعر الأول .. ولا شعره
هو شعره الأول .. الباهي .. قوي العزوم مرت سنه .. حالته حال العدو .. وامره : لاهو : يخيط الجروح .. ولا يشق الهدوم ! تعتب على الدفاتر .. والقلم يـشـره وانا .. مع اللي يلومني .. من الناس : الوم ! من مات (( ابن خالد : محمد )) وانا الحسره تطحن ضلوعي.. و ترمي بي لعرض السموم في السلم و الحرب ماشاف العدو ظــهره أما اطعم القوم : حوم .. أما اطعم الحوم : قوم ! ركض لموته .. وهو " متلاطـم " الغتـــره والموت عاري وقف .. لولا ان الامر محســــوم ولولا انها الصحف جفت .. والقلم حبره يبس : خلد ناسها , من فعل قرم القروم والطيب طيبه .. وعطر المسك من عطره ياخـــذ .. دروس الاطايب ويـهـمـي كل يوم مـتواضع .. خالقه ربي .. بلا كبره ماتعرفه وخوياه .. اي الرجال مخدوم ! لولا .. ان .. له هيـــبة ( ال سعود ) بالفطره ربي بسط رزقهم : مال .. وعقول .. وجسوم ولا كبرت قولة " ابن سعود " من قدره ! على ان ماطا .. النسب هذا : جباه النجوم كن البطون حملت برجال .. ها ..الأسره مثل المخاليق .. مير .. انولدوا من الخشوم ! يا الله عسى جنة الفردوس من حدره يجري نهرها .. وهو عندك كريم و محشوم مات الذي في حياته .. ما حيا .. عــذره من قال ( تكفى ) تجيه ( ابشر ) كريمة غـيوم ولليوم .. لو تنتخي به .. قـــــام من قبره لاشك هو تارك .. من اصحابه اللي يقـوم هذاك : عبدالعزيز ابن فهد .. ذكره عز الله انه هو الذكر .. وعلومه علوم حر .. ابن حر .. ابن حر . وجابته حره بنت الذي لاوعد .. وافا .. والى اعطى : كتوم ! ولد فهد : .. من على كل العرب ستره ضافي , وكل الـبـشر كوم وبعض منه كوم قريب من كل شعبه .. مبعد النـظـره سخي .. فطن .. مرتفع .. شهم .. شجاع ,, حلوم كريم نفس و عفيف .. ولا آحد بـطـهـره لـماح ,, عادل .. جسر .. ثابت .. شديد .. رحوم وهو : جــا .. شـبـيه لابوه : من الهدد وكره ومكانه العاليات و مستــقــره : يحوم الله يطول بعمر ..ابوه وبعـــمـره العز .. عـز ..السنافي .. ودك انه يدوم |
رد : فهـد عافت
مات الذي في حياته .. ما حيا .. عــذره = من قال ( تكفى ) تجيه ( ابشر ) كريمة غـيوم
ولليوم .. لو تنتخي به .. قـــــام من قبره = لاشك هو تارك .. من اصحابه اللي يقـوم هذاك : عبدالعزيز ابن فهد .. ذكره = عز الله انه هو الذكر .. وعلومه علوم ياسلام ياسلام صحيح ان المدح لاهل المدح يستاهل ووالله الامير عبدالعزيز بن فهد - الذي نسمع عنه كل خير في المجال الخيري وصح الله لسانك ولسان فهد عافت سلامي وأشـواقي الخويطري |
رد : فهـد عافت
مرت سنه .. حالته حال العدو .. وامره :
لاهو : يخيط الجروح .. ولا يشق الهدوم ! تعتب على الدفاتر .. والقلم يـشـره وانا .. مع اللي يلومني .. من الناس : الوم ! من مات (( ابن خالد : محمد )) وانا الحسره تطحن ضلوعي.. و ترمي بي لعرض السموم في السلم و الحرب ماشاف العدو ظــهره أما اطعم القوم : حوم .. أما اطعم الحوم : قوم ولليوم .. لو تنتخي به .. قـــــام من قبره لاشك هو تارك .. من اصحابه اللي يقـوم "محمد بن خالد بن عبدالله " يرحمه الله عمه الشاعر سعود بن عبدالله وجد ابنائه بدر بن عبدالمحسن توفي بحادث سير العام الماضي بعيد وفاة طلال الرشيد رحمهم الله جميعاً .... شكرا كش ملك وفعلا .. فهد عافت يليق له المدح بعد ان تحول من الشعر كله اليه فقط ... |
| الوقت المعتمد في المنتدى بتوقيت جرينتش +4.
الوقت الان » 08:06. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع