القلم ، والدفاتر ، والعتاب ، ودلالك = والليالي ، وأنا ، والعمر .. صرنا ضيوفك!!
إنعزلنا .. وتهنا في ضواحي إنعزالك = وإرتضينا العزوف اللي يبـدّد عزوفك!
صرت شمس(ن) آزور الليل يوم احتفالك = وانكسف تحت ظلك .. لا غزاني خسوفك!
وأشتعل نااااار غيره .. يوم انا اطري في بالك = ودّي ازرعك ذرّة !! في ظلامي واشوفك!!
إقتحمني ( خيال(ن) ) متـّـحد مع خيالك = وش بقى لو تعالت في خيالك كـْـفوفك
اندفع لك قصيد(ن) .. ما تجاوز مجالك = لو بدا من يدينك .. ما تسلّق كـْـتوفك!!
لك جمال المشاعر .. نابع(ن) من جمالك = تنتثر لك سحايب .. برقها من هنوفك
وافتخر بالمزون اللي لفت من شمالك = واعتبرها ضحــيـّـة .. من ضحايا وصوفك!
ما وصلنا حدودك ! .. لو هدفنا وصالك! = ولا كتبنا الملامح! .. لو قرينا حروفك!
دووووك وقتي تلاشى .. صار لا لي .. ولا لك ! = إنتقل من صفوفي .. قبل يضمن صـْـفوفك!!
إن وقف قلت : هانت!! وإن مشى لك .. حلالك! = وإن رحل في عيونه رهبةٍ من سيوفك
وإن سألته .. اخاف الردّ يجرح سؤالك! = وإن جرحته .. اخاف يبوح ويـْـثير خوفك!!
والله إن المشاعر ، والعتاب ، ودلالك = والليالي ، وانا ، والعمر ..... عشنا ظروفك!!

رائع يا عبدالله



قصيدة جميله ..

والله ان المشاعر والعتاب و ودلالك

................... ... والليالي وانا والعمر عشنا ظروفك


العزيز والغالي ... عبدالله الجزلاني

كان بيتاً رائعاً بــ حق


لك دائماً جو خاص يروق لي ...

وكنت على يقين بأن ضيوفك سيجدوا ما يسرهم هنا ... تماماً كما وجدت أنا

0




اندفع لـك قصيـد(ن) .. مـا تجـاوز مجالـك 000 لو بدا مـن يدينـك .. مـا تسلّـق كْتوفـك!!
---
لك جمال المشاعر .. نابـع(ن) مـن جمالـك 000 تنتثر لـك سحايـب .. برقهـا مـن هنوفـك
---
وافتخر بالمـزون اللـي لفـت مـن شمالـك 000 واعتبرها ضحيّـة .. مـن ضحايـا وصوفـك!


مشاء الله عليك ياعبدالله



رائع


رائع


صح لسانك



0

الغالي

سالم بن جلعان


إسم هنا

شرف


فما بالك بكل هذا الكرم



هنيئاً لي .. بك وبمتابعتك