احذر احذر احذر احذر احذر يامهنا يامهنا ابوك عملاق
 

اخواني واخواتي :

هذا الشاعر لايقدمة اي مقدمة لانها مهما بلغت

لن تعطية جزء من حقة 0


استاذي / ابومهنا

القصيدة لو بيدي افرد لها منتدى كامل ما

هوبصفحة لكن الجود من الموجود وهذي القصيدة

الخالدة ليس مكانها رد قد لايراه الا القليل

لابد لكل مبدع ان يقف لها وقارا واحترام0

*
*
*

من هناك ومن هناك ومن هناك ومن هنيا ** ويش أجاهد من هنيا ويش أجاهد من هناك


-

كل ماجاء النوم عيني جاه هوجاس(ن) وعيا ** قال والله ماتذوق النوم والهاجس وراك


-

ياجبين الصبح عديت النجوم مع الثريا ** أتحرى نورك يفكك عظيم ألاشتباك


-

لسدل الليل بظلامه صحت مابا له مجيا ** من عصير الشرق ينبيني يقول الليل جاك


-

لليل يالليل الهواجس جعل وجهك ما يحيا ** ليش منتب لي سبات وليش طولت بجفاك


-

ليش ليش وليش ليش وليش ليش تشب فيا ** ليش تحرمني لذيذ النوم يالليل بغثاك

-


ماقنعت إنته خلاص أقنع أنا لازلت حيا** فات من عمري ثمان وست وأربع في عناك

-

إنت فزعه مع زماني بس أنا راسي قويا ** جيت تاطاء يالزمن فوقي تعين من وطاك

-

مايطاطي راسي الانذال في راسي حميا ** واقف وقفت صمايل لزمن والإصطكاك

-


مرتخن لله وحده مرتفع عن كل عيا ** ماعليه ماعليه منك يالوقت ولواك

-

ماجمعت المال اماريبه وعانوني ثريا**مرخص(ن) خشم الريال الازمه دوكيه هاك

-

وش تبابي كف عني ورني مقفاك هيا ** مخطياً فوقي علامك لا تمادى في خطاك

-

دور اللي لاقبول ولا فعول ولا محيا ** والوازم كلها يقصر بها حطه عشاك

-

وش تبا باللي لايا جاء لازمه قام وتهيا**كل طيب لا تجي له ماتبيه ولا يباك

-

مامدحت النفس أفاخر كلها لعيون ريا** لا حرام إني مع اهل لطيب احب الإشتراك

-


وأعرف أن الطيب مد ما يحددله مديا ** قدمنا ريجيل ول الطيب يامبعد مداك

-

مانجي معهم على الميزان لو إنه شويا ** وأعرف انه فيه منهم يا كلامي من قراك

-

وأعرف أعرف وأعرف أعرف وأعرف أعرف كل شيا** وأعرف إن العرف بالريجيل يرفع مستواك

-


وأعرف إن اللي يصيب أشوى من اللي له دويا**وأعرف إن اللي يصارحك الحقايق ماخفاك

-


وأعرف إن اللي يبا اهل الطيب يصد للعليا** وأعرف إن الموت من هرجت صديقك في قفاك

-


وأعرف إن العرف لريجيل ماهو بس ليا** فيه ريجيل(ن) لياجاء العرف بالعرف تحداك

-

إحترك هاجوس راسي وكتبي لي يايديا ** أكتبي هاجوس راس(ن) مايجيه الإرتباك

-


يامهــــنا يامهنا يامهنا يابنيا ** يامهنا جود أعلوم(ن) على العز تغذاك

-

يامهنا دين ربـــك دين ربك والنبيا** يامهنا صل تنجيك الصلاة من الهلاك

-

يامهنا ماعلى الدنيا مريح ولا هنيا**يامهنالا تجي الزله على ورع أقطراك

-


يامهنا جارنــا لا تلحقه منك الخطيا **أدمح الزله لون الورع لا شافك هجاك

-

يامهنا لاتجي للهرج نقال وحكيا**وأحذر أحذر أحذر أحذرأحذرأحذر لقرناك

-

وأن لفاك الضيف تكفاء رحب وهلل وحيا**وهاتله ما يسره ربك ليامنه لفاك

-

وباقي الدنيا تراها فالصباح وفالمسيا** تشرق الشمس وتغيب الله لياحبك حماك
-


****-


الشاعر الكبير /محمد العتيبي (ابومهنا)


-

هذي لجدي(سمي)


.
.
.
.

لله درك ياعبدالهادي


تسلم ياذيبااااااااااااااان


.
.
.


و يسلم قايلها و انشهد انه شاعر


جدي صح لسانك


.
.
.

و تقبلو تحيات...........


<<<<<<< هالاطخم

[ فبراير 02, 2002: تم تعديل الموضوع بواسطة : حموووود الفلته ]

الرائع / عبدالهادي الخليوي
يكفي ما قلته عن القصيدة والشاعر

( هذا الشاعر لايقدمة اي مقدمة لانها مهما بلغت

لن تعطية جزء من حقة 0


استاذي / ابومهنا

القصيدة لو بيدي افرد لها منتدى كامل ما

هوبصفحة لكن الجود من الموجود وهذي القصيدة

الخالدة ليس مكانها رد قد لايراه الا القليل

لابد لكل مبدع ان يقف لها وقارا واحترام0)

تحياتي لك وللرائع / محمد العتيبي ( أبو مهنا ) وسجلني أول من يقرأها قراءة واعية إن أمكن .

<font color="Black">ألاخ / عبد الهادي الخليوي الله يعطيك العافيه الرائع لايقدم الا الروائع وهذه القصيد ه الراعه للشاعر المبدع ابومهنا تثبت ذلك الله لايهينك يابو فهد وصح لسان ابومهنا وتبل مني خالص التحيه والتقدير أخــــــــوك :</font>
<font color="Red">أحمـــــ آل حــــــــارث ــــــــد.</font>

اخي الغالي عبدالهادي

تسلم يمينك على ما قدمت لنا عن اخي واستاذي بو مهنا....فهو اهلا لما قلت عنه وقد اثبت ذلك بمحبته للجميع وسؤاله عن من يغيب وترحيبه بمن ياتي...

استاذنا ابو مهنا مدرسه شعريه يجب علينا ان نتعلم منه كما هو مدرسه لكل العلوم الطيبه وهذا لا يستغرب عليه فهو سلمه الله من الرجال الذين اورثوهم اهلم هذه المسؤليه فحافظوا عليها...


اقول لا خي ابو مهنا صح لسانك ايه الرجل بشعرك الرجل بفعلك الرجل بما تقوله لاخوانك ومحبيك وزملائك...صح لسانك على هذه الرائعه التي وقفنا جميعا لها احتراما واجلالا لما تحمله من معاني ساميه وخيره....

تقبلوا جميعا

تحيات اخوكم البدوي

الاخ عبدالهادي الخليوي

مبدع بكل ما تحمله الكلمه من معنى وليست المبدع التي تمنح

جزافا لكل من قال خمسة ابيات موزونه ومقفاه:

جزمت امري بان لا افصح عن هويتي ابدا ولكن قصيدتك اجبرتني

على ذلك والقصيده والقصيده فقط واعتقد بانك اكثر من

عرف صراحتي بهذا المنتدى:

لا اريد سؤالا ولا عتابا سواء منك او من غيرك وليس ما اقوله

اعلانا بالعوده او دعوه للمطالبه:

اعتقد بان كشف شخصيتي قد يؤدي لشطب اليوزر ولكن هذا

الامر لا يهمني:

ربما معرفتك بهويتي يزيد من نشوتك بالاطراء واقول ربما ولست

متاكدا من ذلك:

قصيده تقف شامخه كهامة صاحبها تعانق عنان السماء بابداع

مترامي الاطراف متسع الافق:

قصيده اعادت لنا بعض طعم ذلك الشعر زمن العمالقه:

القصيده اللتي تاتي على السليقه منمقه بمفردات يفهمها

هذا الجيل:

قصيده ربطت الماضي بالحاضر لتضيء فضاءات هذا المنتدى:

تعجز الكلمات عن بيان اعجابي بقوة وجزالة هذه القصيده

ولكنها ليست بمستغربه عن صاحب الزيزفونه:

اخوك هاوي قصيد او( سلطان القحطاني)

والله يا عبدالهادي ان كل الكلام اللي قلته صحيح ميه بالميه يا أخي أبو مهنا شاعر متمكن متمكن متمكن متمكن متمكن متمكن متمكن متمكن متمكن متمكن معــــــــــــــــــاك لين الصبح وأنا أقول عنه هالكلام ولا أوفيه حقه

صح اختيارك وصح لسان الشاعر محمد العتيبي ( أبو مهنا )

لكم الود يلأنقياء,,,,,

أخوكم / عبدالله مران

هلالالالاوالله بحمود راعي الجود

انا اشهد انك كفو وسباق للطيب ولا هو بغريب

عليك طال عمرك كل مافيك جميل يامحمد (اطخم)


لاهنت وابومهنا يستاهل العلوم الغانمه


اخوك / عبدالهادي

أخــوي / الفاضــل/ عبدالهادي الخليوي


أســـعدتنا بهــذه الرائعــه التي لاينقصها

الإبــداع ولا ينقصها التميــز ولا تنقصها الجزاله

ولاتنقصها الروعـه لم لا وهي لشـاعرنا الكبيـر

لشـاعرنا القــدير محمـد العتيبي ( أبومهنـا)0

فنقـف نحيي هذا الشاعر بما يمتلك من قوة شاعريه

وأخلاق عاليــه 0

صح لســان شاعرنا ( أبومهنــا )

وتسلم يمينك ياأســتاذ / عبد الهادي على هذا

الإختيار 0

ودمتم جميعا بألف خيـر ؛؛؛

وتفضلوا بقبول أزكى ســلامي وأجل إحترامي 0

أخوكم / مهنا بن شليـّـه

بسم الله الرحمن الحيم

أخوي الغالي عبدالهادي الخليوي

أولاً:- المعذرة على التأخير يابو فهد ورطت عيا جهازي يرسل ومليت وأنا اشتكي منه ما بقي غير ابلغ كوفي عنان

والثانيه :- يابوفهد لقد غمرتني بميزة كرمكم الذي أعرفه جيداً

أبو فهد أنت من أسباب الإبداع لكل من يتعامل مع شخصك
أثرة سكون الليل من حيث لا تدري

فهي رداً على مرورك وانت صاحبها الاول شرفني نقلك لها
وأراه أعتزازاً يشرفني أن يشتملها اسمكم يابن يام
وكل ماو ضعتموه حولها طوق الأعناق بأوسمة التباهي
فخجل التواضع وضجت المضاجع
ويا لشرف ما أرى منكم يابو فهد فأنا تلميذ لماأرى من كبار الشعراء في هذه الساحة التي أدعو من قلبي أن تزدهر بكم وبأمثالكم
فالقصيد هو انتم وانتم من تسيرونه

ولكل من شرف القصيدة مروره تتباها بهِ وبحضوره فهي بدون طلقين الوجيه كلام لايسمن ولا يغني من سقام ما احتوتهُ من معاني الطيب أنتم وما شيدة عليه في خصالها الحميدة لكم أنتم

أبوفهد كل الكلام

إقبل فائق أحترامي وللجميع المحبة والتقدير

اخواني الاعزاء


مشاعركم الصادقة وكلامكم الجميل الرائع

كفيل بارتقاء القصائد


وابومهنا مدرسه اتشرف بكوني تلميذ فيها

وياليت يابو مهنا تتولى الرد بعد ما ارد

اللي شرفونا باطلاعهم والموجودة تواقيعهم

******************************


الغالي / محمد البريكي

لاهنت يالقرم ولا يجي من هل الطيب الا الطيب

وابو مهنا يسناهل كل ثناء

اخوك / عبدالهادي

المدار


رائع انت ياحمد وسباق للطيب والكلام الوافي

مشكور طال عمرك وتسلم

اخوك / عبدالهادي

اخوي / البدوي


هلا والله بالغالي ولاهنت على تشريفك

وابو مهنا يستاهل الطيب وهذا اقل شي

يمكن اسوية لهذا الهامه الشعرية العالية

والانسان النقي


اخوك / عبدالهادي

اررررررررررحب ارررررررررحب اررررررحب

عد الهبايب وعد المطر والسيل


يامرحبا والله بك ياذيبااااااان انورت شعبيات


سلطان القحطاني والله والنعم وانت

اخ وغالي وتبقى كذلك


والله ولك وحشة من جد الله الله عليك

كما عهدناك جميل جميل واصيل

والاصيل ماتهون علية العشره حياك واهلا بك

بيننا من جديد

وحسب طلبك ماراح اقول شي ولا فية كلام عتب

على غيبتك بس


اخوي انا اطلب منك طلب وارجوا ماتردني خايب

وهو الاستمرار معنا بكامل اناقتك السابقة

وابداعك واذا فية اختلاف بينك وبين احد

فالمسامح كريم ولاظن فية عندنا هنا سواء

مشرفين او اعضاء احد مايقدر طليت اخو في اخو


وننتظرك يالقرم

اخوك / عبدالهادي

الغالي / عبدالله مران


ان كان ابومهنا متمكن فانت رائع ياعبدالله

والسجايا في الرجال تميزهم عن غيرهم


لاهنت يابن مران وابومهنا يستاهل واكثر


اخوك / عبدالهادي