سؤال عن بعض القوافي
 

اهلاً بالجميع هنا:)


بعض القوافي تكون على حرفين ..الحرف اللي قبل الاخير قد يكون مشدد او ساكن..


مثلاً :

كفّه .. صفّه .. عفّه .. زفّه ..

لاحظوا ما قبل الاخير مشدد ..

لكن لو كتبت على هذه القافيه وكانت قوافيي بالبدايه مثل اللي فوق وبعدين تحولت الى هالقوافي :

صدفه .. خلفه .. اعرفه .. لهفه

لاحظوا ان الحرف ما قبل الاخير ساكن ..

فهل يعتبر هنا خلل في القافيه؟؟

قرأت نقداً بالانترنت لشاعر كبير ينقد فيه قصيدة احد الشعراء الشباب وكان يدقق على سالفة الحرف المشدد والساكن اللي قبل الاخير..


علماً ان خالد الفيصل له قصيده جت قوافيها بالحروف قبل الاخيره مره ساكنه ومره مشدده وهي قصيدة" يا مدور الهيّن " :


يقول من ضمنها:

الصعب هلاّ قلت يا صعب سهلا
............... دامك تبيني فانت يا صعب شوقي

احب عزف المهرة اللي تغلاّ
.............. واحب اروّض كل طرفٍ يموقي

لاحظوا الكلمتين "سهلا و تغلاّ "

في الاولى الحرف ما قبل الاخير ساكن وفي الثانيه الحرف مشدد .. وان كانت في قافية الصدر;)



اتمنى منكم التوضيح .. وما انا الا تلميذ للشعر يطلب الاستفاده :)

...

راي شخصي ولا احد يعمل عليه
 

مساء الخير

ردت الاخت عطر الخزامى ووفت
ولكن انا لي راي شخصي ولا احد ياخذ به
انا اكتب الشعر ولم ادرسه ولم ادرس البحور وغيرها وانا اتكلم من باب الخبره البسيطه اللي انا نفسي ماني متاكد من صحتها

المهم
في رائي انه هذي المشكله ليس لها علاقه بالقافيه مطلقاً
انما علاقتها بالوزن
اي انه لما يكون هناك شده فهذا يعني ان الحرف تكرر ولم يتغير
وكما قالت الاخت عطر
فانك ستستنتج انه لافرق بين ( كفّه ) مثلاً .. و ( لهفه )

حيث أنها في الأصل ( كَـفـْفـَهْ) و ( لَهْفـَهْ)

يعني ما يجب عليك حيال هذا الموضوع مراعة الوزن بحيث لا يكون هناك بيت اطول من بيت
ويكفي انك مثلت بقصيده لدايم السيف

عموما اعذروني اذا كنت مخطي وانا في انتظر التعليق

ودمتم:confused: