|
اخواني في هذه القهوه
اخواني في هذه القهوه تحضير القهوة العربية ذو ميزة دقيقة ولابد من الانتباه بتحضيرها بكل احتساب سواء في وقت عملها او في طحنها او كمية القهوة ومقياس الهيل وتطبخ القهوة البن بالماء المغلي لفترة من الوقت وبعد الغلي يضاف اليها الهيل بمقياس معين دون زيادة او نقص ثم تترك لعدة دقائق من الوقت حتى تصفى القهوة وبعدها تقدم الى الضيف في الدلة بنكهتها الفريدة وطعمها المميز انها القهوة العربية التي سطر فيها الابيات الكثيرة ووصفها الكثير من الشعراء ووصفوا الاواني التي يتم فيها تحضير القهوة المعاميل ومنها النجر والمحماس الدلة والمبرد والفنجان وبعض أوانيها. أخي القارئ الكريم اليك بعضاً من الابيات التي ذكرت فيها القهوة لمجموعة من الشعراء:* يقول الشاعر محمد بن احمد بن محمد السديري: يا بجاد شب النار وادن الدلالي وأحمس لنا يا بجاد ما يقعد الراس ودقه بنجر يا ظريف العيالي يجذب لنا ربع على اكوار جالي وزله الى منه رقد كل سالي وخله يفوح وقنن الهيل بقياس وصبه ومده يا كريم السبالي يبعد همومي يوم اشمه بالانفاس فنجال يغدي ما تصور ببالي روابع تضرب به أخماس وأسداس * وهذا الشاعر الفارس تركي بن حميد حيث يصف القهوة وصوت النجر. يا ما حلا يا عبيد في وقت الاسحار جر الفراش وشب ضو المناره معدلة تجذا على صالي النار ونجر الى حرك تزايد عياره النجرب طق وجاذب كل مرار مالفه الملفوف من دون جاره في ربعة ماهيب تحجب عن الجار لامن ولد اللاش ما شب ناره * وكذلك القصيدة المشهورة للشاعر: دغيم الظلماوي في القهوة: يا كليب شب الناريا كليب شبه عليك شبه والحطب لك يجابي الوالمه يا كليب عجل بصبه والرزق عند اللي ينشي السحابي حنا علينا جيب ماها وحبه وعليك تقليط الدلال العذابي ادغث لها ياكليب من جزل خبه وشبه الى منه هباكل هابي باغي إلى شبيتها ثم قبه تجذب سراة منبعيد غيابي بنسرية يا كليب صلف مهبه متلطمين وسوقهم بالعقابي صبه لقرم صرفته ما حسبّه يوم البخيل مدنهر الوجه هابي وعده عن اللي مايداري المسبه اللي يدوربالقصي الغيابي لا جاضع المتروع خطو الجلبه يا حلو تالي الليل خبط الركابي اقحص لهم وابدي سلام المحبه لا شح بالهين كبير العلابي الى أن قال: من لا صبر يا كليب في حكم ربه هذاك يوم البعث ماله ثوابي * كذلك قول الشاعر: سعد بن حمد بن ضويان في القهوة: ياحسين لاكني على الجمر مجضوع من فقد خلاني وفقدي ربوعي قم سو فنجالٍ ترى الراس مصدوع صفه وزله عن سريب الخموعي فنجال فيه مخموس الكيف مجموع بدلال يشدن الخباس الوقوعي ونجر دلاله ماو بالصوت مفجوع يا زين حسه والخلايق هجوعي وانجاك بالمجلس سنافي وبالوع عده على الطيب وكب البلوعي * وهذا الشاعر: عبدالله العلي الحرير يرحمه الله: قم سو فنجال ونظف أدلاله ريحه لراعي الكيف يجلي اعماسه اشعل ولونه مثل دم الغزاله لاذاقه الراقد يحارب انعاسه في مجلس تدله الى جاء مجاله اللي عن اللجات يقصر حساسه والا ترا بعض المجالس عذاله لا معشر طيب ولا فيه اناسه * وهذا الشاعر: غازي بن عون يا ريف قلبي للمسايير قم شب وحط المنارة في طويل الظلالي عقب تشق لها لجزل الحطب جب وهات النجر واحضر جداد الدلالي دنّه وخلّه للمسايير يجذب لا قام صوته للنشامى يلالي يوحونه الجيران لا قام يقنب ويجيك الاقصى والقصير الموالي * ويقول سليمان المحمد الهزاع بهذه القصيدة: لافي على جمر الغضى سو فنجال فنجال بن من رخيص وغالي حيثك قديم مغربل البن غربال حكيم عند مصاطرات الدلالي خله على المطلوب يلفت لنا البال يفتح لنا المعنى بمبدا المقالي الى انطلق من ثعلب المبهرة مال يشدي خضاب مخفرات حيالي * يقول محمد العبدالله القاضي عن القهوة والاواني التي تجهز بها القهوة: دنيت لي من غالي البن مالاق بالكف صافيها عن العذق منسوق احمس ثلاث يا نديمي على ساق ريحه على جمر الغضى يفضح السوق واياك والنيه وبالك والاحراق واصحا تصير بحمسة البن مطفوق دقه بنجر يسمعه كل مشتاق راع الهوى يطرب الى دق بخفوق لقم بدله مولع كنها ساق مصبوبة مربوبة تقل غرنوق خله تفوح وراعي الكيف يشتاق الى طفح له جوهر صح له ذوق إلى أن قال: زله على وضحا بها خمسة ارناق هيل ومسمار بالاسباب مسحوق مع زعفران والشمطري إلى انساق والعنبر الغالي على الطاق مطبوق إلى اجتمع هذا وهذا بتيفاق صبه كفيت العوق عن كل مخلوق * وهذا راكان بن حثلين في قصيدة مشهورة: ياما حلا الفنجال مع سيحة البال في مجلس ما فيه نفس ثقيله هذا ولد عمٍ وهذا ولد خال وهذا رفيق ما لقينا مثيله * وهذا الشاعر هايس بن مجلاد يقول وهو يصف الدلة وصوت النجر: قم سو ما يصبغ على الصين ياذياب بدلال يشدن البطاط المحاديب احمس الى من العرق فوقها ذاب واستدن ما يجذب عليك الشراريب نجر يصيح من الطرب تقل بحجاب يصبر على طول الدهر للمواجيب وقال حمد ابراهيم العمار: الى ضاق صدري قمت لم الدلالي شبيت ناره يوم عني الكرى غاب الى اصرهت بالجمر عقب اشتعالي زليت صافيها على كيف شراب وقلبت حمستها على شف بالي حوش الغنم لين العرق فوقها ذاب ودقيتها من ضيقتي باعتجالي نجره يصيح لراعي الكيف جذاب * ويقول الشاعر سعد بن قطنان من سبيع في وصف القهوة: جر الفراش لنا وهات الدلالي اربع مغاتير على النار تدنا ترى حلاة النار دوم اشتعالي وسوقة فناجيل عليهم من ادنا فنجال اشقر مثل دم الغزالي اليانقص شيء من الكيف زدنا اتعب لها بالسوم لو كان غالي لو كان سوقه نازح عن بلدنا ياما دفعنابالثمن من ريالي غير القرى نسهر لهم ما رقدنا * يقول الشاعر: عبدالله بن سبيل الباهلي: ترى حلاة الكيف يا مشرب له لا فارقوك اهل الحسد والنجاسه لا صار شغاله ظريف بزله وظرف بتقليبه وقيمة قياسه الى صفا بنه على ما شغله تلقا على الفنجال ردعة لعاسه خطو الولد توه على شبة له جميع هو مات المراجل براسه يقوم بالمعروف دقة وجله والله مهيئ له على قوباسه وخطو الولد رجم على غيرحله لو جازلك مبناه برّق بساسه * هذه قصيدة للشاعر: شليل بن عواض من بني عمرو من قبيلة حرب يقول: يا سعود قم هات الدلال المهانيف في ليلة ناخذ سهرها قطوعه إحمس وكيفها ترى طاب لي كيف واستدن (مزعل) ياشفاتي وصوعه إلى تهيض بالعوى والزعانيف يشدي عوا ذيب شكا حر جوعه يشدي عواذيبٍ بروس المشاريف حادية حادي والهبايب تلوعه حتى يجيب مسيّر البيت والضيف مثل العقيد اللي تلافت جموعه مخصصٍ الى صار جماعه مواليف ماركز الشيطان معهم بكوعه يا زين سجتهم وزين السواليف ما دوّروا واحد بالاخر طموعه والى احدث الجهال بعض التخاليف إستدركوها قبل تكثر فزوعه تلقى لهم سمعة وهيبه وتصريف وكلٍ يجي فعله على قد نوعه * ونختتم رحلتنا هذه مع هذه الابيات: الكيف خله عند من يشترونه المشكلة اللي جابها من بلدها ياحامسين الكيف لا تحرقونه حذراء عن الشعله تغير نقدها حتى يجيك محمر كن لونه مجت جراده ظاهرة من جسدها صبه على اللي ربعته يدهلونه له ربعة من راح منها حمدها وعده عن اللي واقف له بشوته يمسي ويصبح عارف لك عددها ما غير عنده طايرات عيونه لا باع شاته جاك حزة وعدها منقول للأستمتاع مع القهوة :) |
رد : اخواني في هذه القهوه
قهوجي .. موضوع ممتع وقصائد مختاره رائعه .. من أجمل ماقيل في القهوه .. لي ملاحظه بسيطه على قصيدة دغيم الظلماوي بعض الابيات فيها زياده وبعضها نقص وبعضها ربما كثرة تناقلها بين الرواه تسبب في تغييرها عن شكلها الصحيح .. مثل : لوالمه يا كليب عجل بصبه و :حنا علينا جيب ماها وحبه وكذلك : ادغث لها ياكليب من جزل خبه باغي إلى شبيتها ثم قبه تجذب سراة منبعيد غيابي هذه القصيده كامله بشكلها الصحيح ياكليب شب النار ياكليب شبه ...................عليك شبه والحطب لك يجابي وعلي أنا ياكليب هيله وحبه ...................وعليك تقليط الدلال العذابي وادغث لها يا كليب من سمر جبه .................وشبه إلى منه غفا كل هابي باغ ٍ إلى شبيتها بالمشبه ....................تجذب لنا ربع سراة ٍ غيابي بنسرية ياكليب صلف مهبه ....................متكتفين وسوقهم بالعقابي سراة ليل وناطحين مهبه .....................لا نسنست يا كن به سم دابي خطو الولد لو به زبون وجبه .....................يأتي عليهم من حساب الزهابي لا باطن الهلباج خطو الجلبه ........................ياحلو خبط اعصيهم بالركابي اطمر لهم وابدي سلام المحبه .........................لاجو على هجن يديهم خرابي مع كبش مصلاخ لك الله نجبه .........................لادبر الهين متين العلابي والوالمه ياكليب عجل بصبه ................والرزق عند اللي ينش السحابي شكرا ياقهوجي على هذا الموضوع الممتع والقصائد المختاره . |
. الله يبارك بعمرك يا قهوجي .. موضوع رائع وانتقاءات أروع .. وقصائد من مدرسة قديمة مازلنـــا نسترجع دروسها حتى الآن .. شكرا ً لك يا عزيزي .. محبتي .. . |
رد : اخواني في هذه القهوه
موضوع رائع وجهد تشكر عليه في جمع هذه الروائع من الشعر الشعبي .
نسيت في موضوعك أحد الابيات من قصيدة سعد بن حمد بن ضويان وهي كالتالي :
قم سو فنجالٍ ترى الراس مصدوع = صفه وزله عن سريب الخموعي فنجال فيه مخومس الكيف مجموع = بدلال يشدن الغباس الوقوعي ونجرٍ على الشطات ماهوب مبيوع = يا زين حسه والخلايق هجوعي نجرٍ زلالة ما وبالصوت مفجوع = دقه وخلّف له ثلاث الرجوعي وان جاك بالمجلس سنافي وبالوع = عده على الطيب وكب البلوعي |
رد : اخواني في هذه القهوه
من اللي جابها هنا :) الاخ نواف الشمري سلمت يالذيب ومشكور وما قصرت وبالنسبة للشاعر دغيم انا قريتها كذا والعتب على النقل :) لا خلا ولا عدم فديتك |
رد : اخواني في هذه القهوه
الاخ عبدالله البكر هلا غلا بك مرتن ثانية ودايمن انت تشجعني وتعطيني الكثير من وقتك ورفعت معننويات فوووووق فديتك لا خلا ولا عدم يالغالي |
رد : اخواني في هذه القهوه
فيصل 1 هلا بك اخوي ومشكور على التعقيب والحمد لله انها حازة على اعجابكم ورضاكم ومشكور على التصحيح وهذا يدل على المتابعة وسعة الافق لديك لا خلا ولا عدم فديتك |
رد : اخواني في هذه القهوه
موضوع رائع وجهد مميز
ابدعت ياقهوجي بموضوعك الطيب والقهوة له غلاة في قلب اهل الكرم والبدو سلااااامي |
رد : اخواني في هذه القهوه
لاهنت مليون يـــ مقهوجي وسلمت وسلمت يمناك على الموضوع الرائع والقهوة تعتبر عند البدو خاصة والعرب كافة رمـز لـ الكرم والجود والبذل والعطاء واشكرك من اعماق القلب واشكر من قام بالاضافة واسمحلي باضافة بعض من ( عيون القصايد ) في موضوعك الكريم هذه قصيـدة للشاعر : مدوخ بن ظمنه المطيري عن القهوة : والمشكل اللي جابها من بلــدها ...................................... واحذر عن الشعله تعدي صمدها محة جراده طاير من جــــــسدها .................................. زبن اللدوح اللي تردا جـــــــهدها في ربعة من راح منها حـــــمدها ....................................=مع دربه الخلفه تفاخت ولـــــدها يمسي ويصبح ظابط لك عــددها ا.................................ن باع شاته جاك حزه وعـــــدها قصيدة محمد بن مطلق بن بادي في القهوة : ما هيب كيفة شـــاربين الزقاره ...........................بيض تقلط فوق جال المـــــناره تحمس وتفهق عاد فيها صفاره ............................يجذب بصوته من براسه نــماره وفنجالها دايم يكــــــــــثر بهاره ..............................مع كل شغموم بكــــبده مراره الموت سنه والغـــــنايم اتجاره ..............................وقفوا على حم الذرا عقب غاره كل يبي من كسب ربعه خـياره ...............................تزمي الهشال الخلا مثل قــاره وهذه واحدة من قصائد القهوة المشهورةلــ اللشاعر مبارك بن عبيكة الشمري : قم ياالمقهوي دن نجر ومحــــــــــماس *** واحمس لنا من حب صـنعا نماها وصب لمرور على الخيل مدبـــــــــــاس *** تقفي عنه صم الرمك لانصــــاها من فوق ما تاخذ علــــى الخيل مرواس ***لا جدعت خبثات الانفس حـــذاها واثنه لـــــــــمن حوله على الزبر جلاس *** اهل السموت اللي بعـــيد مداها ابن عـــبيكة هرجـته ما بهــــــــــــا باس *** تطرب لها كرام اللحى من حلاها طول الجدار وقصــــــــــرت الرجل نوماس *** لا صار ما للــــــــــرجل داع دعاها تصـير بعيون الرفــــــاقه معــــــــــك بأس *** لا صـــار ماتدعي من عــــــــناها يصــــير به قــــالات ويصـــــــــــير لولاس *** ونــــوب من الادنين يأتي بـــــلاها قلـــــــبك يصد ويضرب القلب عومـــــاس *** والنفس تقدح عقب زايد غـــــلاها خـــــلك على بابك تقـــــــل لون حراس ***لا جوا عليها محـــــــترين عشاها لا جن من الخــــــل الشمالي لها اضراس *** والكل تشـــــكي رجلها من حفاها نرحب بهم من قـــــــــــبل تجديع الالباس *** نقلـــــــط لهم تمر الحلا من نماها ونذبح لهم كبش مربع الاطـــــــــــــــعاس *** نقــــــــلطه من قبل يقرب مساها هذي سلــــــــــوم جدودنا قبل من راس *** واللي بعدنا كان ربي هـــــــــداها وسلامتكم (( وأسـمـحـي بـــــــ تثبيت الموضوع )) وتقبلوا سلامي واشواقي |
رد : اخواني في هذه القهوه
الاخ قهوجي موضوع رايق صراحه تشكر عليه بارك الله فيك |
رد : اخواني في هذه القهوه
|
| الوقت المعتمد في المنتدى بتوقيت جرينتش +4.
الوقت الان » 10:01. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع