|
تقــريـر طبـي
يسعد صباحكم
وكل عام وانتم بخير غبت لي كم يوم بسبب وعكه صحيه لازمتني .. اشكر الي فقدوني وسئلو عني<--حشى غايب سنه ابو الشباب :) واخص با الذكر اهل الخيمه الرمضانيه على راسهم ابو ساري وراعية الاندومي وبقية الاخوان :white: عاد انا غبت وجبت التقرير الطبي حقي :) عن حالـتي جـيتـك بتـقرير ...... ختـمـه مـن وزارة الـصحـه تقـرير فـيه الـقليـل كثـيــر ... عن حال يصعب علي شرحه في حالتي يعجز الـتعبيـر .......... كتمه وزكمه على كحـه وصداع منه العقول تطير ......... والراس فـيه يغـدي جحـه يـثـقـل ويـتعطـل التـفكيـر ........... ويـصير لـيله مثل صبحه وفيني النفس صارباالتعزير ........ اتـشفق مـن الهـواء نفحـه احيان صوت الصدر تصفير ........ واحيان يشبهه هـل الدحه واليوم ابشرك كني بخير .......... لايغـرك الصوت والبحـه اعذروني على القصور تراها على ماقيل ارتجاليه مدري وش تسمونها :) الزبده وسلامتكم :white: ... |
رد : تقــريـر طبـي
الحمد لله على سلامتك وخطاك السوء إنشالله
بس أهم شيء يكون التقرير من مستشفى حكومي ترى ماتقبل تقارير المستشفيات الخاصه :) <<<<<<< متعقده من التقارير الطبيه :) سلاااااام الريــــم |
.
متعبوه ! انت كم وعكة صحية جاينا فيها الى الحين ؟! نعنبو بليسك عشر طعشر مره قلت وعكة صحيـــة .. انت لا يكون ساكن بمستوصف ولا شي :rolleyes: ! يالله عاد .. لا تتعودها الله لايهينكم .. << هذا اللي وده اليوم يزعل على أي واحد . :) وماتشوف شر فديتك ! . |
رد : تقــريـر طبـي
ممكن سؤال ..
عرف الوعكه ... ؟ بعدين انت مريض طحت بفراشك جاك شي .. حن وش لنا دخل .( اضحك لا تزعل ) مع التحيه دم الغددددددددددر وعلى فكره الف الف سلامه لك ما تشوف شر |
رد : تقــريـر طبـي
سلامتك يا متعب
جعلك ما تشووووووف شر ان شاءالله والله ما درينا ولا كانا نتصل يا متعب انت غالي ولك حق دمت بخير |
رد : تقــريـر طبـي
حمدلله على السلامه يا بعد راسي .. والله..
متعب انت من كثر الاجازات المرضيه .. بتنافس بنت ابو رويشد.. <<<<<<<<< خاربن دشهم قبل رمضان وكان يناظر غصب واحد.. |
رد : تقــريـر طبـي
الريـــــم
الله يسلمك من كل شر ويعطيك العافيه التقريرالمشكله من مستشفى خاص بس حاولي تقبلينه وانا علشانك بحاول اصدق التقرير من العمدة عاد اذا ماقبلتيه قلعتك :D ( تراها مداعبه لأني ادري انك مزوحه ولاتزعلين ) :D يعطيك العافيه مره ثانيه وتسلمين تقديري واحتراماتي :) |
رد : تقــريـر طبـي
عبدالله البـكـر
هذا بدال ماتقول الحمد الله على السلامه !! جاي تقول لي كم وعكة صحية جاينا فيها الى الحين :( صدق الشاعر ذاك الي مدري وش اسمه الي يقول في ابيات له طويله حتى على الموت لا اخلو من الحسدِ وبعدين ياخي تحسبني زيك ما امرض <-- ناوي يعطيه عين :white: .. يسلمك ربي يا الغالي من كل شر ولا تلومني ياخي وش اسوي المناعه عندي رايحه فيها :) لاعدمتك يا الغالي ومايجيك الشر إن شاء الله لك مني اعذب التحايا والاحترام |
رد : تقــريـر طبـي
متعب
ماتشوف شر ان شالله وطهورا يالغالي والله يحيك سلامي واشواقي الخويطري |
رد : تقــريـر طبـي
إقتباس:
ماعليــك زوووود :white: <<<<< فاهمه غلط :55: تقديري واحتراماتي :) |
رد : تقــريـر طبـي
هلا ..متعب شوف..نقبل التقارير لاكن بشرط مختومه من خمسة دكاتره.. لاوبعد نسخ اصليه ونشوف عقب اناوخالي نوافق ولانخصم منك.. لاتخاف وش بيكون الخصم كلها حرمان من الخيمه طول رمضان ..يعني دبرنفسك<<<<<<<ماراح نقبلها :D الف الحمدلله على السلامه وماتشوف شر.. :) |
رد : تقــريـر طبـي
كلمات جميلة
ومعاني راااائعه جزل يالغالي |
رد : تقــريـر طبـي
علي مكحول
الوعكه هي مأخوذه من الوعك وهو نوع من انواع الفجل الاخضر تشتهر به منطقه ضرماء والمزاحميه :white: حياك يالغالي ومايجيك الشر يعطيك العافيه تقديري واحتراماتي :) |
رد : تقــريـر طبـي
خالد العنقري
مايجيك الشر يا الغالي ومايحق عليك شر واعتبر اتصالك وصل يابعدي.. وانا بحاول اتميرض الايام الجايه علشان اتشرف بسماع صوتك :D يعطيك العافيه والله لا يهينك تقديري واحتراماتي :) |
رد : تقــريـر طبـي
محمد الحراب
الله يسلمك يا الغالي من كل شر بعدين لا تشبهني ببنت الله يحييك تراها بحق :white: يعطيك العافيه يا بعدي سلمت ودمت بخير تقديري واحتراماتي :) |
| الوقت المعتمد في المنتدى بتوقيت جرينتش +4.
الوقت الان » 21:52. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع