من عادتي .. أنثر حروفي وأسري = القلب في وادي ..وأشعاري في واد
أطري على بال الهوى والا ماطري = بكتب قصيده غـــــــصب سميها عناد
لي حنجرة قيس ... ولسان المعــرّي = ولسعة جرير ... وشيطنة ولد شــدّاد
مع كل هذا كاذب ٍ كــــــــل شعري = أكتب قصيدة حب ... لو مالــي وداد!!!
الين شفتــك .. يا شموسي وفجري = (مسيلمه) الشـــاعر غدى الصادق الهاد
لا من ظهرتي ينحني غـــصن عمري = ولا من مشيتي أفرش القلـــب سجّــاد
آيـه من الله ... جـــرّت الروح جــّري =آية جمالك معـــجزة كل الأشهــــاد
لو كنتـي بعـصور ٍ مضـت بس تمرّي = كان تبعك فرعون .. وكان آمنت عاد
يا ســـيد ٍ يستــعبد بنــي فكـــري = يا مرجعه عهد الجواري والاسياد
البـــدر مرّه يكـــتمل كـــل شـهري = وانتي اكتمالك كل لحظه ويزداد
من يوم شفتك .. كـل عـرق ٍ يهذري = تهذي عروقي ناسيه لهجة (الضاد)
ساع تهذي فارس . وساعات عبري = يا حظها حروف ٍ ويا بختها بلاد
وشلون أصلي وبسمتك كاس خمري = اذا سكرتك .. ماقدر اصير عبّاد
سبعين جلده وزد على الجلد عشري =اخاف عينك تعطي الظهر جــلاّد
قــالوا حــروب العشـق كـر ٍ و فـرّي = وماقد عرفتي الفر .. والرمش سدّاد
ماهو غزل حبك..هو من شعر فخري = وبعض المحبه تبني للناس أمجاد !!
بختم قصيد الصدق .. والصدق صدري = قلبي وشعري ..ضمهم كلهم واد !!!

حقباني

هي مصافحتي الأولى لك

ولن تكون الاخيرة



قصيدة تستحق الثناء

وشلون أصلي وبسمتك كاس خمـري ......... اذا سكرتك .. ماقـدر اصيـر عبّـاد

بيت في منتهى العذوبة


تسلم وصح لسانك وفكرك ..


أخوك

جرحي بخير ,, ,