شعبيات - فانتازيا .. زيارتي قرية شعبيـــات !!!

شعبيات (http://www.sh3byat.com/vb//index.php)

- الديوانية (http://www.sh3byat.com/vb//forumdisplay.php?f=21)

- - فانتازيا .. زيارتي قرية شعبيـــات !!! (http://www.sh3byat.com/vb//showthread.php?t=8092)

فانتازيا .. زيارتي قرية شعبيـــات !!!

المؤلف خالد العنقري

السنا رست هديان المطووورhttp://www.majalisna.com/img/graemlins/ilikeu.gif

المصور الى هالحين ماندري حنا نصور ولا لا

المقدمه الموسيقيه >>> تصفير من براطم هديان

الاخـــــــراااااج محدثكم <<<< يؤمن بالعمل الجماعي ومشاركة الاخرين !!

والأن ... ندخل للقرية ونشووووف ...الشعبيين اللي فيها

..

..

..

هالحين حنا وقت طلوع الشمس ما تسمع ... الا اذااان الديكــه وصوت السواني
هذا محمد الحراب عليه غتره بيضاء رايحه ضفرا من دخان الرمث اللي يشبون به لا ومن زينه معصقل
لبق الناقه جنب القليب وحذف عصاه بالمنحاه >>> فيصل تقدر تعرف المنحاااه يا دب وانت عايش 30 سنه بها القريه نرجع لمحمد ... جلس وفتح المطبقيه اللي معه .. وافترش الارض >>>يا ويل المطبقيه منه وسمى بالله لين هكا اللي جايه ويقول السلام عليكم .. طبعاً ما بدهاش جلس ومد يده على المطبيقه حقت الحرااااب ولقمتين والاخ محمد مفهي كالعاااده ما يحتاج اقول لكم انه فيصل بن خالد ولكن شكــر وراح يدور زود فطور الله يدفع البلا والحراب راح يم السواني .. ونشدت الحراب قلت تعرف اللي توقال لاوالله ... من اهل الديره وهذا شغله من اربع سنين ماقط خلاني اتهنا بعيشتي ابد ... مشيت من عنده وانا اتحمد وتقدمت شوي لين خشيت بالسوق .. وحصلت هكا الحرمه تبيع سمن ومضير 0

http://abunawaf.ws/modules/coppermin...mal_kid958.jpg

وعندها واحد يكاسر يبي يطرح من قيمة السمن نص رياااااااااااال >>> شكله ابو علياء الماخوووذ :white:
وجنبها وحده تبيع براقع وديرمان ومن هالمخلطات اللي تطير بالخشم وهذا السر اللي يخلي محمد الحراب ما يطب السوق دايم عند السواني ... قالت راعية الديرمان ابتــس بيعي الرجال يا وحش ... قالت ابتس يا نوره تبيني اخسر انتي متهاوشه مع العوبا سراااب .. على شان اقل من ربع ريال ... غابت صجتهم بصووووت عبدالله البكر وهو يحرج على كومة جح وجراوه وخشته حمراء كل ما جاه زبون فقش له جحه وذاقها >>> شايف خشة عبدالله بالصوره حمرا:white:مشيت من عنده والى هكا العوووده اللي يتطارحووون تحت الجدار اثرهم ضاري بالعطا وابو نوت يتهاوشون عند يوزر مدري منهو له >>> ذا حلــم تعدا الفانتازيا خليتهم ومشين عوده مهذرين ومالي فيهم حاجه قلت اروح امر الدكاكين ... دخلت اول دكان>> محمد بن حزام .. الى هكا العووود النحيل يعد قواطي الصلصه وكل ما خلص رجع يعد وعند الباب عود ثاني >> عبدالرحمن الربيع جالس معه حبل متعقد ويفكك فيه بسنونه وكل ماخلص محمد من العدد قال سبعين ورجع يعد من جديد
ناداني واحد كان واقف وراي ... وقال خلهم هذالوا اخوان متشاركين ومن خمس سنين وهذي حالتهم انتهت صلاحية الدكان كله لاباعوا ولا رتاحوا ... كله يقولون نبي نعد القواطي قبل نبيعها ... قلت مالي بالشغله هذي .. مشيت منهم والى فيه مجموعه يبنون لهم بيت .. مشاءالله هذا عكاشه غاطسه رجليه لين الركبه بالطين وهذا نواف الشمري شايل لبــن >>> ترى لبن مثل البلك طابوووق يا اهل الشرقيه ... وهذا خالد الشايع توه جاي الظاهر ماله شغل الا يجيب لهم القهوه والشاهي ... يقول انه ماهوب فاضي وهذا حسن المسفر جايك على الحمار وانتم بكرامه كاشخ محمل القرب عليه نظارات شمسيه ومشغل مسجل معه اللي يغني بالشريط الفنانه نجوى كرم .. انا مافيه >>> متطور حسن
..

..

..

قلت اروح اريح تحت الشجره لين يبدا احتفالهم بعيد الام ... يوم وصلت الشجره لين فيه اثنين حلوين معهم نبابيــط واحد منهم >> تركي العثمان يجلس الى جا خويه >>> صالح العبد الكريم ينبط ... استغربت كل ما جا ينبط جلس قربت من عندهم وقفت مكان تركي يوم جا ينبط صالح ما جلست .. ما دريت الا والصكه في جبهتي من صالح >>> اثر فيه حذفيه
<<< امحق شجره ماش راحه ابد ... قلت لهم مته يبدا الحفل قال الساعه 11 وتقدر تتابعه على قنوات التلفزيون وبينقل مباشره على البالتوووك وعلى موقع شعبيات في الشبكه العنكبوتيه واحرص على الحضور وخصوص فيه مهرجان سرك يبي يشارك فيه محمد العمري ومحمد الحراب وفيصل الخالد ...وباقي الصبايا والصبيان .

..

..

..

هالحين الساعه 11 والمكان عامر بالحضور كل اهل القريه متجمعين بس مشكلتهم الون الثياب تجيب الحموووضه !
اللي لابس رصاصي .. واللي لابس فووووشي ... واللي لابس برتقالي بس البنات كانوا افضل من العيال باللبس نوعا ما

..

..

..

بدا الحفل بموسيقة لبتهوفن [web]http://www.majalisna.com/img/graemlins/ylflower.gif[/web]!!
وهدوووووووووووووء مخيم على المكان اول الفقرات حبل مشدود بين شجرتين وفيصل بن خالد يتسلق الشجره
ثم يبدا بخطوااااات واثقه ويسير على الحبل ... والجميع يصفق
وحين وصل الى المنتصف انقطع الحبل يالله دخيلك ..>>> بعذر الحبل وفيصل عينك ما تشوف الا النوووووور شالوه على الاكتاف استعداد للفقره الثانيه ... اللي هي عباره عن مجموعه براميل واسعه مليانه مووويه ودور محمد الحرااااب يتسلق الشجره المنحوووسه ويطبح صاروخ بالبرميييييييل ماعنده وقت ابو خشم رقا وطبح بسرعه وفعل في سنتر البرميل الا ان خشششششمه حك في طرف البرميل وبرضه تجددت المعناه وشالوووه على الاكتاف >>> يالله فال مبارك
الى هنا ما قدرت اتحمل .. وحامت تسبــدي قلت انحش يا ولد قبل يجون الشباب الباقين ويجيبون العيد

http://www.majalisna.com/img/graemlins/flag.gif http://www.majalisna.com/img/graemlins/flag.gif http://www.majalisna.com/img/graemlins/flag.gif