|
يا هاجسي قدام شهر الترااويح *** عطنى قصيدة تبحل الناس فيها
السلام عليكم ,,,
حبيت ابارك لكم بالشهر الفضيل وعسا الله يبارك لنا فيه ويجعلنا فيه من المرحومين ويتقبل منا صلاته وقيامه وينصر امه ويعز دينه انه على كل شي قدير ---------------- يا هاجسي قدام شهر الترااويح *** عطنى قصيدة تبحل الناس فيها ابي قصيدة كنّها ذعذعت ريح *** قبل شيا طينى يقفل عليها :)) --------- مشاركه الزمن ما يهزم الرجل والدنيا نصيب . والثمينه غاليه والليالي تجربه والوفا ضد الغدر والصحيب امع الصحيب . ومن يصارع بيض الايام لازم تنكبه الكابه والحزن ما يعالجها طبيب . والسعاده لو هي بعير بكره نشعبه شاعرن جرحه من الوقت والدنيا عطيب . حاول انه ينهب الوقت والوقت انهبه والمذله والمهونه على الرجال عيب . والخطا مافيه رجال عاقل يرغبه والكلااام الزين يخلص طليبن من طليب . والرجل يبقى طموحه معلق بشنبه قادني للعشق دربن على العاذل صعيب . وحثني لشوق درسن عجزت استوعبه واحدن في نظرته تبدي الشمس وتغيب . حد قلبي يم قلبه وساقه واغصبه يسلب اعيون المخاليق بالرمش الغريب . ويفتن العالم بعقله وزينه وادبه رمش عينه يطرد الخووف والليل الكئيب . وكثر صمته يستفز الكلااام ويغلبه من عيونه يفرض السلم بعيوون الحريب . موهبه من مالك الملك واحلى موهبه يجذب اللي ما دخل فيه لاشكن وريب . يجذبه وشلون مدري ولكن يجذبه ! ان طلبته ما بخل وان مسك جرحي يطيب . وان طلبني لو يبا النجم لبيت اطلبه وان بدى لناس غنت طيور العندليب . وان تخفاا واختفا تنشد النااس اعربه يا حبيبي شاعرك طاح قدامك صويب . اه من سهمن تعلق بصدره واعطبه كان يحلم بالسعاده وحلمه مايصيب . لين صار الحلم كذبه ونارك تلهبه اسمك ابقلبي بنا عرش حب وعهد طيب . يا عساي الموت كاني تجرات اشطبه انت زينك صبحن ابيض ونورن مايغيب . الله اللي سجل الزين بسمك واكتبه الخجل كنه نهب كبريا صمتك نهيب . والبراءه كنها ضيف وانت امعزبه انت مثل السيل لاسال مع بطن الشعيب . من يمره مانتبه غصب عنه ينتبه ايه احبك واعترف للبعيد وللقريب . ايه والدنيا بدونك بعيني مرعبه اقتنعت ان الزمن جرح والدنيا نصيب . والثمينه غاليه والليالي تجربه |
يا الحرّوقف قبل شهر التراويح
............ربّط شياطين الهوى مانبيها ترى كلامك زوّد القلب تجريح ............أرفق بحالي لاتكوّد عليها عموما الشهر مبارك علينا وعليك ان شاء الله وقصيده ممتازه و مقدمه أكثر من ممتازه |
اخوي الحر
اولا الله يبارك فيك والله يبلغنا رمضان كل سنه وثانيا صح لسانك قصيده من الطراز الصعب ولا كل شاعر يكتبها والله اكثر من رائعه ولك تحياتي |
اخوي صالح
صح لساانك ,, والله يسلمك والله يباركن لنا بالشهر الفضيل |
اخوي محمد
صح بدنك طال عمرك ،، ومن ذوقك يالغالي الشعري والله يسلمك وتقبل تحياتي |
اخوي الحر
علينا وعليك يتبارك والله يجلعنا من صيامه ومن قيامه ويجعل لنا فيه حظ ونصيب. اخوي الحر صح لسانك مليون وتسلم يمنك والشحم فالها وصدقني وانا جالس اقرا القصيده كاني جالس اقرا قصيده مكتوبه باسلوب شاعر عايش في وقت مهوب وقته شاعر جاي بعد وقته بمية سنه اسلوب اقل ماقول فيه رائع بمعنى الكلمة . تمنياتي لك بالتوفيق انشاء الله.يالحر الاشقر |
اخوي الحر
مشكور لتهنأتك يا اخوي والله يعوده على الأمه الأسلاميه بالخير والبركااات اللهم امين.والله يقبل صيامناا اخوي الحر قصيده رائعه كلمات مترابطه...مفردااات جميله..تستحق عليهااا كل الشكر....وبالتوفيق تقبل تحيات اختك :rolleyes: |
أخوي الحر
كل عام وانت بخير . والشهر عليك مبارك . بصراحة قصيدة من الوزن الثقيل . أخوي أهنيك على هالمستوى الرائع كتبت فاجدت . يا حبيبي شاعرك طاح قدامك صويب . اه من سهمن تعلق بصدره واعطبه كان يحلم بالسعاده وحلمه مايصيب . لين صار الحلم كذبه ونارك تلهبه اسمك ابقلبي بنا عرش حب وعهد طيب . يا عساي الموت كاني تجرات اشطبه انت زينك صبحن ابيض ونورن مايغيب . الله اللي سجل الزين بسمك واكتبه يسلااااااااااااااااااااام عليك صح لسانك . :) |
الاخ/ الحر
عزالله ما بخل عليك هاجسك الله يعطيه العافيه :D اخوي صح لسانك وسلم بنانك وبيض الله وجهك على هالرائعه ومشكور على التهنئه بالشهر الفضيل لك تحياتي |
الحر صح لسسسسسسانك على هالقصيده الطيبه والله
|
شير طلوا
اخوي الغالي،،، اشكرك على هذا الاطراء الجميل ,, والله يسلمك من ذوقك الشاعري وانشالله اكون عند حسن ضنك ولك تحياتي |
أريش العين
الله يتقبل مناومنك صالح الاعمال والله يسلمك ويعطيك العافيه وتقبل تحياتي |
عبدالرحمن الربيّع
صح بدنك يالغالي ،،، والله يسلمك ويعطيك العافيه وتقبل تحياتي |
اسمك ابقلبي بنا عرش حب وعهد طيب
................... يا عساي الموت كاني تجرات اشطبه انت زينك صبحن ابيض ونورن مايغيب ................... الله اللي سجل الزين بسمك واكتبه الخجل كنه نهب كبريا صمتك نهيب ................... والبراءه كنها ضيف وانت امعزبه اخوي الحر .. مبروك عليك الشهر وينعاد علينا وعليك وعلى المسلمين جميييع والله يعطيك العافيه على هالقصيده الراااااااائعه انا اشهد انها من اجمل القصايداللي قريتها صح لسانك مليوووون مره ولاعدمناك يا المتميز :) تقبل تحياتي أختك .. عطر الخزامى |
اخوي عكاشه
صح بدنك يالغالي ،،، ويكفي تشريف للقصيده مرورك عليها ويعطيك العافيه يالغالي,,, ولاهنت ولك تحياتي [ نوفمبر 15, 2001: تم تعديل الموضوع بواسطة : الحّر ] |
| الوقت المعتمد في المنتدى بتوقيت جرينتش +4.
الوقت الان » 22:50. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع ما يكتب في الموقع يعتبر حقوق محفوظة لموقع شعبيات- شبكة الاقلاع