أحبتي
مســاء الحب مســـاء الوله والشوق
مساء لا يشبه إلا قلوبكم
أحبتي
ألا تذكرون أنني قلت لكم ذات شفافيه بأننا
رغم أنف البعد
بالحب سنلتقي
وهانحن رغم أنف البعد
بالحب وبالشوق التقينا
أحبتي كالعاده مازلت أحتفظ بخوفي منكم ومن أن لا أرتقي
إلى رضاكم عن ما أطرح ولكنني أيضا ً مازلت أحتفظ بنفس
الرجاء والأمل في أن قلوبكم ستتشفع لي عند أكفكم لقبول
المصافحه مجددا ً

نوايا العطر





ولمن لايرغب أو لا يستطيع مشاهدة الفلاش
[poet font="Simplified Arabic,5,darkred,bold,normal" bkcolor="white" bkimage="" border="outset,4,darkred" type=2 line=200% align=center use=ex length=0 char="" num="0,black" filter=""]
كن الهـبايـب يـوم تـمحا الخطـاوي=عاشـق بكفـه يمسـح دموع معـشـوق
والـحـزن عـمره ما يـبـيـّت خلاوي=ولا يرقــد إلا مفـتـرش عين مخلـوق
ياورد عـلـمـني وش العـطـر ناوي=أوتدري أسـكت(يمكن أنـسـاه وأفوق)
وإن ما نـبـت بأطراف صوتي شكاوي=حـاولت أســافـر غيم وأعـوّد بـروق
وش عـاد لـو كـثرت عـلي البلاوي؟؟=لاصار مالي بالغلا عندك حقوق
واللي نشـد (وش فيه ناحل وذاوي؟)=مافيني إلا أني بعـض طين وعروق
وأنـا نعـم ( لـلحين) شـاعـر هـواوي=إن ظقت وإلا إن رقت جيتك بطـاروق
وأموت إلى من شفت مشي الحياوي=رجـل ٍ تهـجـّـا الدرب وعيون ٍ تموق
وأحـب نـظــرات..العــديـم..النداوي=لين ألتفت يقراك من فـوق إلى فـوق
وأذوب في دمعــة عـيـون الخـلاوي=والحب له في جبهة عروقي حروق
حـبـيـبـتي مـاني حـزيـن وشـقـاوي=لكن غدت ضحكاتي لفمي عقوق
حبيبتي والشوق ماله عراوي=ولا لطير العشق برقع ولا سبوق
حبيبتي وإن شفتي الحزن خاوي=فأنا خنقني البعد والبعد مخنوق
حبيبتي ماعاد فيها هقاوي=بيّن بياض الياس والصبر مشقوق
وإلا الهبايب لو تحنّ الخطاوي=ماكان أبد عاشق نسا وصل معشوق

[/poet]
محبكم

بل

عاشقكم

عبدالمحسن بن سعيد